أصبر تشوف ...!!

[خليل هليل الشيباني]

المشاركة الأصلية كتبت بواسطة غالب الذيابي

ملاك لكن حالها جلد وعظام=لو طوّقت بالتاج تاج الرياسة
مسكينةٍ ماتنطح الهيج لاقام=يصيبها مع كل وقت انتكاسه
وزعيمها فارس وللضد لطام=ومن طيبته تاكل عشاه البساسه
اصبر تشوف الفرس أهل سود الاعلام=فيها تدير السيطرة والسياسة
والموكب المشرك بديلٍ للاسلام=واللطم كل اسبوع تسمع حساسه
تغلغلوا فيها من اعوام واعوام=اللي ثبت واللي يجيها عساسه
فيها البدون ايتام في عرف الاقزام= ابطال ما يستاهلون التعاسة!!
ياليتها راحت غنيمة لــ صدام=لو كان ما أحبه ولا احب ناسه
تبطي ولا صاحت لاهل رمح وحسام=صيحة مضاوي في صباح الحماسة
ذبّت عن المنقوض سترٍ من الخام=وكلٍ ابلجٍ من دونها زاد باسه
بلسان ابو فاجر تورّخ بالاقلام=شاهد على وصف الخطر يوم داسه

الشاعر غالب الذيابي صح السانك لين ترضى على هذه القصيده الرائعه