طاروق لم يأخذ حقه من الشهرة بين حبيب العازمي ومطلق الثبيتي رحمه الله

[قاسي العتيبي]

طاروق لم يأخذ حقه من الشهرة بالرغم من قوته في الفتل والنقض والحبك والسبك

إليكم الطاروق

حبيب العازمي
يامرحبا بلي حضر حفل الكريم بن الكريم // اللي جمع روس الرجال كبارها وصغارها

الليلة الليلة نبا المعنى من النوع القديم // لأجل الرجال اللي تفكر تنتبه لأفكارها


مطلق الثبيتي
دام البقاء ياشاعر ٍ في جوف جنات النعيم // ماصارع الدنيا ولاشبت عليه بنارها

الله يهديكم على تبع الطريق المستقيم // ياربعنا اللي تضرب الأرض ويطير غبارها


حبيب العازمي
يالشاعر الرحال أنا تراي فالديرة مقيم // وإن طالت الأيام يامطلق تجيك أخبارها

الأولة والثانية في داخل العظم الصميم // والثالثة كحل العيون اللي تلد أنظارها


مطلق الثبيتي
من ماضي الدنيا وأنا واقف على الساق السليم // ماهمني لاصجت الحفلة ولاشعارها

وراك ماخليتها هرجة حشيمٍ مع حشيم // قدام لاتدري بها مكة ولا تجارها


حبيب العازمي
أنته تقوله يالثبيتي مير لحق السيل ديم // حجتك يامطلق نقضناها ودوّر غارها

حنا بغيناها قضية من خصيم ليا خصيم // لكن شفنا الفاطر الزرقاء يحن حوارها


مطلق الثبيتي
إن ماعرفت العد تلقى الورد من حوله محيم // يلي تشيل البندق اللي ماحفظت عيارها

ياكبر شرهتنا عليك من الحجاز ليا القصيم // واللي تسيّر بالنمايم ماتطول أعمارها


حبيب العازمي
تبا الحقيقة مالقينا لك لاسمن ولايديم // ماغير طحت بحفرة الزهلول ياحفارها

تشره علينا وأنت مابين العليا والنسيم // امرار تعط يمينها وإمرار تعط يسارها


مطلق الثبيتي
شقر العصا مايضحك ألا واحد ٍ مثلك غشيم // اللي يفتش فالجحارة لين يطلع فارها

هذا جزايه ياحبيب يوم ربيت اليتيم // لو كان خليته مع الضبعة خذته لغارها

[سهيل 1]

صح لسانك ولسان مطلق ..وحبيب ..

يعطيك العافية ..