الكلمة ... جديد الواهبي

[فلاح الواهبي الشهراني]

الحقيقة ماني بشاعر نضم ولكن هذي من الجديد واتشرف ببثه عبر صرح كبير مثل منتدى الهيلا

الكلمة اللـي جاتنـي مالهـا اسبـاب=ازريـت ادور راسهـا مـن ذنبـهـا
منها يشيب الراس لـو كـان ماشـاب=ومنهـا تبـرى الطيبـه مـن عربهـا
ومنها الجنون ايوالج اصحاب الالبـاب=مهولـة (ن) فـي بعدهـا فـي كثبهـا
جتني من اللـي ملـك الذيـخ للغـاب=نطقبـهـا لـكـن جـوفـي كتبـهـا
يلـدغ لسانـه مثـل مايلـدغ الـداب=والمرخمه فـي عـز مهـده شربهـا
بيـن العـرب نمـام كـذاب مغتـاب=والشينه ان راحت تعـب فـي طلبهـا
مااضن تلقاله مـن العالـم اصحـاب=والـلـي مثيـلـه لازم(ن) نجتنبـهـا
لكن سلم لي على اصحـاب الاشنـاب=اللـي علومـه مدمنيـن(ن) طربـهـا
في حزة الماجـوب موجـود ماغـاب=وان غاب من حاجه مهول (ن) سببهـا
يحسب كلامـه قبـل ميـال الارقـاب=فـي حفـرة(ن) والـنـار زود حطبـهـا
ان سمعلـه كلـمـه لاودا ولاجــاب=وخلـى المطيـة لاهلـهـا تحتلبـهـا
ياالله تديم البيـت مركـوز الاطنـاب=وتسحق هل الخربات واسحق خربهـا
قلته واشيل الصوت في راس مرقـاب=ابيـوت (ن) ايسابـق سببهـا شببهـا
وتبقى الروؤس ارؤووس ماترجع اذناب=وتبقـى الجليبـه قسـم منهـو جلبهـا

[حمود بن خيشوم العصيمي]

صح لسااااانك يافلاح

والبيت الاخير لو كلمة الرؤس جاءت في بداية الشطر اظن كان البيت اكثر انسيابيه

يعطيك العافيه وتقبل مروري ولك تحياتي

[فلاح الواهبي الشهراني]

المشاركة الأصلية كتبت بواسطة حمود بن خيشوم العصيمي

صح لسااااانك يافلاح

والبيت الاخير لو كلمة الرؤس جاءت في بداية الشطر اظن كان البيت اكثر انسيابيه

يعطيك العافيه وتقبل مروري ولك تحياتي

حمود اشكرك على المرور والبيت والله اني كاتبه زي ماقلت بس كتبته غلط والبيت

الرووس تبقى رووس ماترجع اذناب=............................................ ........................

واشكرك على التنبيه ولكن التعديل غير مفعل

[محمد الذيابـــي]

,’

صح لسانك يالغالي فلاح

التوقيع

التوقيع محمد الذيابـــي

[متعب الند]

صح السانك مليوون ...غنيت اوفيت...

[فلاح الواهبي الشهراني]

المشاركة الأصلية كتبت بواسطة محمد الذيابي

,’

صح لسانك يالغالي فلاح

ولسانك محمد اشكرك على المرور

[فلاح الواهبي الشهراني]

المشاركة الأصلية كتبت بواسطة متعب الند

صح السانك مليوون ...غنيت اوفيت...

ولسانك ملايين اشكرك متعب على المرور