محمد السناني و راشد السحيمي محاورة قوية

[ابو زيد]

محمد السناني
مرحبا بالصاحب اللي صحبته لابد منها ==== مر تحكمها الحدود و مر تحكمها الطواري
بعد هذى كل كلمه قالها منشود عنها ==== لين يثبتها حسب ما قال مسلم و البخاري


راشد السحيمي
البقى بالصاحب اللى صحبته دافع ثمنها === قال ما قالو صديقى ينتظرني جيت ساري
يا محمد لا تبالش روس حرب و تمتحنها === الكلام اللي وصلك اصله بطوعي و اختياري


محمد السناني
صاحبك عرج على صورتك يومين و دفنها === و العرب تدرى عن الاسباب و انت مانت داري
يمكن الدنيا تحرك شامها و ازعج يمنها === الكلام اللي صدر بالطيب و الا بالجباري


راشد السحيمي
ذاك ماهو صاحبى من صرها يشرب لبنها ==== ما يخوفنا منه غير الهجوم الانتحاري
كل شي يجوز ما دام الفتن هذا زمنها === خل ما بينك و بين اجنوبنا عازل حراري


محمد السناني
كل حب قالو العقال ترجع لمخزنها === لا تعذر و انت ظاهر لك على الخطه مواري
انت ما يمديك في واحد شهر تامر و تنها ==== لا تعرض لسيوف و لا تعرض لشباري


راشد السحيمي
العباره واضحه و اللى عرف نفسه وزنها ==== و المجنن تكتب اسماها بصبات الكباري
العلوم الاوله الحين ضيعنا لحنها ==== و اعتذرت لعالمٍ ما يستحقون اعتذاري


محمد السناني
قافله فاتتك و الاخري تبي تلحق ضعنها ==== مير مدري تلحقه فالليل و الا فالنهاري
تعتذر و الناس ما يمكن تفرط في وطنها === انتظر يومين حتي يصدر الامر الوزاري


راشد السحيمي
اشكر النعمه و قدر من مقدم لك صحنها === كان اهل جده حمام اكيد اهل مكه قماري
السناني صاحبي لا شاف له قبه زبنها ==== مير انا ماني على اللى يفسد الاخلاق ضاري


محمد السناني
نحمد الله كل مجموعه تمارى بمعدنها ==== مشكلتنا من حرم طيبه يجيبون الجواري
مهنةٍ تفرض عليك و مهنةٍ ما تمتهنها ==== المهم انك على خطة مهندس و استشاري


راشد السحيمي
الجواري مسجد العباس يقدر يحتضنها ==== انت ما تعرف تفرق بين الاسمر و الخضاري
لا يصير اذنك بطاقه كل من جاها شحنها ==== الرجال الها مواري و الخبول الها مواري


محمد السناني
طال منك لا معقلها و لا موثق رسنها ==== لا تغارب لو تعشاها الذيابه و الضواري
لا تسير بنيتين اللي يعاملها لعنها ==== اختلط فالمجتمع و ادخل مع العصر الحضاري


راشد السحيمي
ان رزقنا الله بسيه مستعد اعطيك منها ==== ودى انك تورح البارود يا ريم البراري[/size]

[محمد العتيبي11]

مشكور اخي على هذه المحاوره

التي اعتبرهاااا من المحاورات النادره في وقتنا الحالي

ومن اجمل محاورات الشاعرين

الحربي مظلوم اعلامياااااا

واكرر شكري

[محمد الذيابـــي]

,’


بيض الله وجهك على النقل الرائع

التوقيع

التوقيع محمد الذيابـــي

[رباح دبيان البيضاني الحربي]

لايصير اذنك بطاقه كل من جاها شحنها = الرجال الها مواري والخبول الها مواري

يكفي من هالمحاوره هالبيت . يعطيك العافيه وبيض الله وجهك

[صميدع.]

..


لا هنت يا ابو زيد

[مهجرس]

اعوذ بالله ياهالمحاورة

حقيقة انها محاورة من العيار الثقيل و الوزن الثقيل

مادام شعارها السحيمي و السناني

هؤلاء شعراء دواهي

و مثل ماقالوا صراحة ان راشد السحيمي مظلوم اعلامياً

[ابو فايح]

طاروق قوي جدا


وابداع من الشاعرين

فيه عتب من السناني على السحيمي لكن السحيمي داهيه


لاهنت يا ابو زيد

[فيصل بن فهد الجهني]

نحمد الله كل مجموعه تمارى بمعدنها ==== مشكلتنا من حرم طيبه يجيبون الجواري



عزالله ان ذا البيت قوي جدا



و السحيمي شاعر قوي و ملك النقض .. و مظلوم اعلاميا بقوه


لا هنت يا ابو زيد على ذا المحاوره الكايفه و القويه

[سعد الفهمي]

لا يصير اذنك بطاقه كل من جاها شحنها ==== الرجال الها مواري و الخبول الها مواري

بيت حكمه يبقى رمز لشاعره ستردده الألسنه في كل موطن

ولو تبقى الساحه على هذه الكوكبه لكانت بخير وفي خير

شعراء عمالقه لا يشق لهم غبار

[مهجرس]

المشاركة الأصلية كتبت بواسطة سعد الفهمي

لا يصير اذنك بطاقه كل من جاها شحنها ==== الرجال الها مواري و الخبول الها مواري

بيت حكمه يبقى رمز لشاعره ستردده الألسنه في كل موطن

ولو تبقى الساحه على هذه الكوكبه لكانت بخير وفي خير

شعراء عمالقه لا يشق لهم غبار

صدقت اخي سعد
بيت راشد هذا حكمه

و لو تتبعنا بيوت راشد لوجدنا اغلبها حكمه