مَعزّة النفس ...

[ضاوي الشيباني]

المشاركة الأصلية كتبت بواسطة عـاشـق الحقـيـقـة

بسم الله الرحمن الرحيم


والسلام عليكم ورحمة الله أجمعين ..
.
.

وهذه أبيات أرجو أن تحوز على الاستحسان من الإخوان بعنوان :

( مَعزّة النفس ) :

1-لَسِكّر الباب مِن دون المساييري = على المسَيّر يعَوّد ... لا يعاوِدْها
2- مَعَزّة النفْس ما فيها تشاوِيري= الراي واحِد وغيره ما يراوِدْها
3- وقِرْب الردِيْ ما يجِيْ للمَرْء بالخَيري = يحِرّ كبْده وذِيّهْ ما يبَرّدْها
4- والناس واجِد ويِلْقَى للمناعيري = مِدْهال عزٍّ ينومس مِن تواجِدْها
5- والصدْر لا ضاق داوه بالمشاويري = فيها الشفا مِن عَنا بَلْوَىً يكابِدْها
6- الحرّ يكْفَخ ولا يخْشَى المقاديري (1) = العمْر مرّهْ وكفّ الموت حاصِدْها
7- ودْنياك دَرْبٍ وزيِّن بالتصاويري = تفْتِنْ وتفْتِل شِبايِكْها لوَارِدْها
8- والتجْرِبهْ برْهَنَتْ منْها التقاريري = النفس تفْنَى ولا تفنى مقاصِدْها
9- فاغنَمْ حياتك وزِنْها بالمقاديري (2) = خذ السمينهْ وهَزْلا لا اطّارِدْها
10- والعاقل الي فَعَل حِسْن التدابيري = رضَى الشريعهْ ورايه ما يعانِدْها
11- وفرْضه يصَلّي ويعْطيْ بالدنانيري = ما دَسّها في المصارِف مَعْ عَوايدْها
12- يرْجي في يومٍ يغِصّ امْن الطوابيري = ينْجَى من النار تَشْوِي مِن وقايدْها
13- ويَحْظى بالاخْرَي تزيّنها الأزاهِيري = جنّات عَدَنٍ حظيظ الناس وارِدْها
14- ويا الله تغْفر وتقْبَل بالمَعاذيري = النفْس قَشْرَى وعنّت من يجاهِدها
15- وفيك الأمَل يا الولِي يا ماسك الطيري = وسْط السما لاح والجنْحان فارِدها
*=*

ــــــــــــــــــــــــــــــ
(1) مِن المقدور .
(2)من المقدار .

وسلامتكم .

أخوكم :
عبد الله الرويس
( عاشق الحقيقة )

21 / 9 / 1432
هـ

صح لسانك مدد بلا عدد عزالله ابدعت لله درك ياعاشق الحقيقه