عيد بن مربح

[سلطان البقمي]

هذه القصيده كنت ابحث عنها فتره طويله وحصلتها في هذا المنتدى واشكر من نقلها . الحقيقه هذه القصيده لا مسة موضوع اللي فيه موقف . ويا كثر اعجابي بالنص...

لكن انا اخالف راوي القصه ومخالفتي بموجب البيوت ومعناها مع اني مادري هل

شاعرها حي او متوفى ولا اعلم متى تاريخ بالضبط مع اني سامعها تقريباً قبل عشرين سنه

لكن الواضح في البيوت في بداية القصيده تكلم عن ضروف الحياة وطلب الرزق
ومن ثم تكلم عن العشق بقوله:

.
.
.


الله يجيب الصديـق اللـي يعلمنـا
ابنشده عن غريب وحـال عربانـه

لولاه في بيـت جدانـه محطمنـا
ياوسع صدري عليه اّبيـت جدانـه( هنا غريب عند جدانه: هل معقول غريب ولده؟او زوجته؟ يسميها غريب؟ج:مو معقول من عايلته بل غريب من ناس اخرين سماه الشاعر غريب لأنه عند جدانه مغترب عن اهله وانا افسره عشيقه) تابع البيت التالي
.
.


.


لو قصدنا البعـد مرينـا وسلمنـا(هنا ذكر البعد مو معقول ان يذكر كلمة البعد بينه وبين عياله اطلاقاً يقدر يمر ويسلم على عياله لو ساعه ويمشي)
مير البـلا شوفـة الديـان ديانـه(هنا قال المشكله مو البعد المشكله شوفة الديان ديانه ليس دين مادي بل يقصد خصم يمنعني من الا قتراب يعني عدوا لا يرضى ان يشوفني

عند غريب..... هذا تفسيري وفهمي للقصيده والله واعلم

------------------------------------
يالمور خذ نمرة الخامس من اليمنا
تحتر تبرد ترا الاخـلاق خربانـه

و الله لتنـدم وحـنـا ماتفاهمـنـا
مادام ميقـوع مـا عقبـت قلبانـه

ولا تشكي الظلم وحنا الوقت ظالمنا
دليل ظلمي تراك تشـوف برهانـه

البارحه مع ثلاث ايام مانمنـا
مكينتك تشتغـل والعيـن سهرانـه

ان ادبرت شدنا يرخـي محازمنـا
نروي بدلـوٍ يضيّـع مـاه شقانـه

وان اقبلت خصمنا يقضي لوازمنـا
صداقته تستحـل بيـوت عدوانـه

عـزالله انـا مـن الدنيـا تعلمنـا
درسٍ صعيبن على التلميذ نسيانـه

الله يجيب الصديـق اللـي يعلمنـا
ابنشده عن غريب وحـال عربانـه

لولاه في بيـت جدانـه محطمنـا
ياوسع صدري عليه اّبيـت جدانـه

لو قصدنا البعـد مرينـا وسلمنـا
مير البـلا شوفـة الديـان ديانـه