اقتباس:
|
المشاركة الأصلية كتبت بواسطة ابـن نـعـيـس
السلام عليكم ورحمة الله وبركاته
هذه القصيده اعجبتني واحبيت ان انقلها لكم .......
الشاعر : للاسف غير معروف ..
يا موتري ساموك مني وعييت=لا نيب متحسف ولا نيب غادي
ابي ليامني عن الدار مليت=لينك توصلني ديارً جدادي
لا صار تعبير الضماير تناهيت=وكثرت على ضيق المجال الدوادي
دقيت سلف الجيب من غير توقيت=عند الضحى ولا بنص الهجادي
صوته يشتت ضيقة الصدر تشتيت=بالقار ولا مع خطوط الحمادي
البر يا خالد وانا ابوك لانويت=تراه طب موجعين الفوادي
لادجت ساعه في الفياض وتمشيت=والله ما غبط منصبين البلادي
صوت ام سالم يوم ترسل زغاريت=عندي يفوق منوعات الروادي
وشوف الضعون تسير واللي رعت هيت=واللي فحلها ما يعرف القيادي
واللي عويل نجورهم له تصاويت=واللي سناها من بعيدً ينادي
وشوف البيوت مشيداتً بتثبيت=ومطارد الحيران عقب الرقادي
اخير مما ينتج النفط والزيت=واخير من كيل الذهب والحصادي
ولا باس لا مـنك لجدك تنصيت=يا خليد شوف العود شربي وزادي
جدك تنصاه الرجال المناعيت=لا شان وجه الوقت والهم زادي
ذبّـاح حيلً للنشاما هل الصيت=على القدا ولا على غير قادي
وان كان يا خالد بفعله تقديت=ما يفرحون اهل القلوب الحقادي
ما للردى عندك مقرً ولا بيت=ما بين عمـّان وخوال ومبادي
وابعد عن اللي يعملون التواليت=اللي لهم فالسوق جره وعادي
الداشرين الصايعين السرابيت=حيين لكن يا حياة الزهادي
خلك مع شخوص الرياجيل لا وميت=كم واحدً منهم نفع واستفادي
ولا تنثني لو كان للشر حديت=بكلاش ولا بشتباك الايادي
اقلط على البارود لو تنحسب ميت=موتك ولا قول الذليل الربادي
مالك عن المقسوم لو عنه صديت=الموت واحد والسبايب جرادي
|
الله الله
وانت سالم وصح لسانك ولسان شاعرها
قصيده فوق مستوى النقد وفوق مستوى الاعجاب
الله لايهينك على نقلها
تحياتي
« آخـــر الـــمـــشـــاركــــات »
04-Oct-2005, 01:18 AM
العرض الشجري