قبيلة الزود النفعه والحمى المحرم عن القبائل الاخرى

[الامير حريبيش]

اليوم جايب لكم قصه عن احدى أقوى قبائل النفعه في الحجاز وهي قبيلة الزود ومفردهم الزايدي ونسبهم يرجعون للصرارات من النفعه من برقا من عتيبه
وشيختهم في الوقت الحاضر في خامس الحنشه وكانت الشيخه في السابق في قبيلة الزود تتنقل بين خوامس القبيله وهذا دليل قوة هذه الخوامس وكان هناك شيخ قديم لقبيلة الزود انقرضت امارته وهو ابن غريب كان يملك سجن في منطقة بني سعد وشيخته تشمل مناطق كبيره من بني سعد اذا انه من كبار مشايخ عتيبه القدماء الذين انقرضو وحل محلهم غيرهم وقد اخبرني جدي اطال الله في عمره ان القبائل قبل حكم ابن سعود في الحجاز كانت تسمي بني زايد الزود باسم بني كايد أي انهم كايدين علي الناس اصحاب منعه وقوه وبطش
ومن مظاهر هذه القوه انهم كانو يصنعون حمي في ديارهم يحرم علي القبائل الاخري ويحرمون صيده وقطع اشجاره ورعي عشبه في احد الايام قام افراد من احد القبائل المجاوره بقطع شجر من الحمي لاستخدامه كجايز في البيوت لديهم ولم يكن احد عندهم من قبيلة الزود ليمنعهم عن الحمي فعندما علمو الزود بامر هذه القبيله اللي استباحت الحمي قال شاعر الزود يتمني ان احد الحنشه او العصمان خوامس من الزود شاهد هذا الرجل اللي استباح الحمي كان قطع يمينه وعلقها محل الاشجار المقطوعه في الحمى
لك الله لو صدفك حنيش والا طارف العصمان------ ليا قطعلك يمينك مثل ماتقطع نواميها

ويقول في نفس هذه القصه شاعر الجعده الشهير ابن رجا ابيات محاوره موجهه لشاعر الزود الكبير ابن مسيفر
يقول ابن رجا
ياهل الامداح ديرتكم بجيره------ ياحمات سهولها ويا وعرها
عان ابن حجي نزل فيها بغيره--- بالجمل والا بمحجانه كسرها
هنا يقول ابن رجا انك يالزود اهل للمدح وكفو وتحمون ديرتكم ولكم فيها حمي ولكن ابن حجي ينزل فيها ولم يحسب لكم حساب ويكسر مايشاء من شجر الحمي وفيها تحريض واضح من ابن رجا فكان رد ابن مسيفر الزايدي وهو شاعر فحل من شعراء عتيبه
والنبي ماجيت بالعين الصغيره---- والشجار الخضر قومنا نصرها
عان من دار ---- الي نقيره ---- في متين العود عقرنا ------
هنا يقول ابن مسيفر يرد علي ابن رجا انه سوف يرد وعينه كبيره من فعل ربعه اللي نصرو الشجر في الحمي ويحدد في بيته الثاني حدود ديار ذبحو في حلال اهل هذه الديار بالر ماح جزاء وقضاء في شجر الحمي
وسلامتكم ياعتابه

آخر تعديل الامير حريبيش يوم 15-Jan-2011 في 11:56 PM.

[جليل 1377]

ياابن شرير قرر العلم تقرير """""""""""""بالمختصر نبغا صريح العبارات
أنته من العتبان والا من هذيل """"""""""""والا من اللي يطبخون البامية

تسلم ياالأمير معلومات رائعة

[الامير حريبيش]

ياهلا ياجليل ومشكور علي مرورك وانا ماني شاعر والا رديت عليك
نشوفك علي خير

[عبدالمجيد النفيعي]

معلومات قيّمه عن إحدى فخوذ القبيله بالحجاز , ونعم والله في أبناء عمومتنا الزود ولاهنت أخوي

سمعت عن الشاعر بن مسيفر وهو معروف عنه الجزاله ومن أقوى شعراء القبيلة لكن التوعيه الشرعيه أعتقد كانت ضعيفه في ذلك الوقت وتمنيت لو شفرت الكلمة الاولى أيضاً من أول بيت وارد له لأن في ذلك حلف بغير الله

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

[الامير حريبيش]

لاهنت علي مرورك ياعبد المجيد وانا لا اخفيك اني حاولت اشفر الكلمه الاولي في البيت الاول او استبدلها بغيرها بس ماجات معي راح ينكسر البيت قلت اكتبها مثل ماجاتني من الرواي وانشالله النيه سليمه عند الاولين هم مايقصدون يحلفون بغير الله

[سلطان الاشواق]

والله ومليوون نعم في الزووود ولاتسدهم

[الامير حريبيش]

لاهنت علي مرورك سلطان ياهلا وسهلا

[حمود بن خيشوم العصيمي]

ومن مظاهر هذه القوه انهم كانو يصنعون حمي في ديارهم يحرم علي القبائل الاخري ويحرمون صيده وقطع اشجاره ورعي عشبه

لاهنت يالامير حريبيش وونعم بالزود وياليت تعطينا توضيح عن حمى الزود موقعه وحدوده
لك الشكر

[الامير حريبيش]

المشاركة الأصلية كتبت بواسطة حمود بن خيشوم العصيمي

ومن مظاهر هذه القوه انهم كانو يصنعون حمي في ديارهم يحرم علي القبائل الاخري ويحرمون صيده وقطع اشجاره ورعي عشبه

لاهنت يالامير حريبيش وونعم بالزود وياليت تعطينا توضيح عن حمى الزود موقعه وحدوده
لك الشكر

ياهلا فيك يابن خيشوم ولاهنت علي مرورك اما من ناحية الحمي التابع للزود فهو الاوديه التي في جهات ديارهم المعروفه بفرعة الزود وانا لا اخفيك انني لم استفسر من الشايب اللي سولف علي عن الحمى فانا كان همي من الموضوع ان اكتب الاشعار التي جات في القصه كااثبات للقصص التاريخيه بحكم ان القسم الموجودين فيه الان قسم تاريخ
ولكن اذا حبيت استفسر معلومات اكثررر عن الحمى موقعه وحجمه ابشر باللي تبي
تقبل ودي يابن عاصم

آخر تعديل الامير حريبيش يوم 23-Jan-2011 في 12:48 AM.

[ولدعساف]

ونعم بالزود وبكافة النفعه

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها