حاكم الغنامي
يامرحبا ترحيبةٍ ترجح بميزان الحقوق =توفي الحقوق وترجح بها كفة الميزانية
نسمع رعودك يارعد لكن ماشفنا البروق =ورعود من غير البروق ابها علومً ثانية
رعد الروقي
دام البقا ياللي ترحب وانت عن برقا وروق=تحسب ليا صارت سهود مهود فالريضانيه
راع العيون يمد شوفه للجدي وسهيل فوق=لكن ويش نقول ميد الحول والعميانيه
حاكم الغنامي
العلم لاجانا كذا من دون طعم ودون ذوق =اغلق عنه سمعي وارد عن الكلام لسانية
جيت البلد قاضي وحكمي يقطع يمين السروق =ماجيت ابا احكمها مثل هتلر زعيم المانية
رعد الروقي
اغلقت سمعك بعد دمك جف في وسط العروق=ما قدمك الا الليل الاسود واطيب الفرسانيه
ما للبشير اللي على السودان عن شعبه فروق=والا الجزيرة ما يناحي شعبها الفسقانيه
حاكم الغنامي
اثبت وثبّت كلمتك لو كنت رجالٍ صدوق =انا تراني وازن الحبه على النيشانية
مدري علامي كل ماوحيتك تغني بالطروق =قمت اتذكر حلم يوسف والعن الشيطانية!
رعد الروقي
مثل الجبل راسي هنا حتى من الغفلة تفوق=والا السفينة تنقلب يا حضرة القبطانيه
عساك مانت اللي على راسه صحن خبز محروق=والطير ياكل منه واعمار الاوادم فانيه
حاكم الغنامي
قلع النخل واجب ليا قام يتشارك بالعروق =اما نعرف العرق ولا نقلعه من دانية
ماعاد تنفع درهمة ورزيم سابقك السبوق =اليوم كلٍ حط حمله في ذرى العتبانية
رعد الروقي
عز الله انا ما نوينا فالبناخي بالعقوق=والا بيوت الطيب مبنيه على السيسانيه
لكن لن ما تاب قلنا النار لاصحاب الفسوق=يبا يظلي من حطبها الكافر الخسرانيه
صحة السنتكم ياعمالقه
استمتعت بما قرأت
« آخـــر الـــمـــشـــاركــــات »
22-Nov-2010, 08:57 PM
العرض المتطور
