اقتباس:
|
المشاركة الأصلية كتبت بواسطة عفارالأسعدي
هلا وغلا اخوي الإيدا1 تسلم ياقلبي ويسلم ولد روق الى فعلا عرف يشغلنا بطريقته الخاصه
يابعد راسي انا اييدك انه من الصعوبه تحفظ جميع القصص وكم من القصص اندثرت مع اهلها ونجد مليئه
بالاحداث البطوليه والشيم والشهامه بس انا قلت اذا امكن ان نعرف واذا ماقدر احد يثبت انهم من قبيلة مطير
ماهوا معناه ان السالفه غير صحيحه بالعكس انا افتخر بالسالفه لانها ترفع الراس ويفخر بها كل عتيبه اصلي وفصلي وعزوتي
يقول بديوي الوقداني
دللت بالنفس لين ارخصت جانبها،،،،،،،،،،،، وانا عتيبي عريب الجد والخالي
قوم(ن)تدوس الافاعي مع عقاربها،،،،،،،،،،ولها عزايم تهد الشامخ العـــالي
يجوز اني مخطي بطلبي لانه مستحيل اثباتها بس اظل اقول فديت عيال عمي وتاج راسي هلي وعزوتي
وتسلم يالايداء1 بس انت اسمك ياقلبي من بني وايل ولا غلطان
وتحيه خاصه لولد روق
تحياااااااااتي للجميع
|
ياللي مسمي نفسك
عفار الأسعدي
ونعم ومليون نعم بالأساعده وهذولي ربعي وعزوتي
وأنت كشفت نفسك لأن الأسم عتيبي والفعول فعول ؟؟؟؟
ياعفار أنا معروف لعتيبه كلها . وهذا دليل ثابت أنك ماتعرف عتيبه ولا أشره عليك إذا ماعرفت الرجال لأن معرفة الرجال ماتلقاها إلاعند الرجال .
وترى بالمناسبه فيه العبدلي مطيري والعبدلي شريف و ليه ماتقولهم أسمكم ياقلبي من بني وايل لأن فيه العبدلي عنزي ... ( بالمناسبه ترى أسمهم الآد وايل ماهم بني وايل يالخ ؟؟؟؟
أكثر أسماء القبائل متشابههه حتى فيكم يالخ ؟؟
رح أنشد عن هذي القصيده للشيخ محسن الأيداء المورقي ولا ماتعرف المورقه بعد ؟ .. ولا وش رايك البينه لمن أدعى .
مشينا ضحى خمسة عشر للرجاء طلاب = من أول قصير باغي الدين يمشيبيه
أحد ينقل المزهب وأحد ينقل الشراب = وأحد ينقل اللي طيبات(ن) مضاريبه
تعاهدنا ثلاثتنا على الماقف الغصاب = نصينا الفرع والدرب نعطي جوانيه0
إلى أن قال
رقيناك ياضلع وزان المضيق حجاب = طويل(ن) على حد الخضيراء شناخيبه
وأخذنا براس الضلع قيمة ثمان وجاب = نحول بمزهبنا ونوج (ن) نعديبه
الى أن قال
ونصيناك يامنهو لنا فالبلد حباب = وقال أصبرو لين المقادير ترميبه
نصا مغربي(ن) فالمدينه يخط (أ) كتاب= يقول أمنع الأيداء وحير مطاليبه
الى أن قال
هوه عابد(ن) كتبه وأنا عابد الكتاب = عسى دبرت المعبود تغلب مكاتيبه
الى أن قال الشيخ محسن الأيداء يرحمه الله .
عطيناك يادرب المدينه نبا المطلاب= لينه يذكر ملفياتن مناجيبه
ضربناه بالخلبين كنه شليع ذياب = سرينا ورمحه ناشب في تلابيبه
والقصيده طويله هذي للتذكير فقط
ياعفار أنت ما أنت أسعدي ولا عتيبي لأن العتيبي بكل بساطه يعرف جماعته ولوكان في سن مكر من عمره ....... أظهر على حقيقتك وجادل بأسمك الصحيح حتى يكون عندك ولو جزء بسيط من الشجاعه ولا تدخل المنتديات بأسم أهلها لزرع الفتنه . 
« آخـــر الـــمـــشـــاركــــات »
14-Sep-2005, 07:09 PM
العرض المتطور
