ان كان مال ابوك تاريخ ينعد

[خلف سرحان الثبيتي]

ياللي تقول انك عن الناس مستد= انته هذاك الريع لما تسده
عزي لمن فوقك من الناس يحتد= اللي عليك اظروف بقعا تحده
ان كان مال ابوك تاريخ ينعد= اللي كماك من العرب مانعده
حنا لمرضعة الرسل ساس للجد=والمشكل اللي ضايعن وين جده
هذي سراحه جتك يابارد الخد=جدرك على رعاش وادنا مهده
مادام مالك ساس حاول تلبد= ودور على شكلك ضعيف وتحده
جتني علومك فالمجالس تهدد= والرجل ماينطق يقع فعل قده
اهرج وانا لم سبه الناس مالد=والعلم قرضة ملح عني ورده
وابوك انا من لابتةً ماتردد= اللي توصل دايم الامر حده
رضيعنا لاشفت زوله تشهد= زبن الدخيل ان جاه ماجاه ضده
قبيلةً بين العرب مالنا ضد=من دون قاصر في رجال الاشده
وانت ليا شفت النشاما تراعد= لوكان مال اعيونهم فيك لده
منته كفو تبرز لنا فالمعاند=واللي كماك يهيد مافيه شده
ماعاد الك بين الرياجيل مقعد= والسيف ماياكل ليا راح حده
مهما ضحكت وقلت فالناس مسعد=لو يتجهلك غزو تزري تصده
يامتعبن نفسك على الحط والشد= كلن يبا يرجع مصيره لعده
وصلك كلامي والسوالف لها حد=صبرت الك والصبر قد وصل حده
وانته على ماقيل هافي ومرتد=فرتن قديم مخلخلته المكده
وختامها جنب عن الدرب وابعد=وتعيش بالاوهام فوق المخده