رقبة البعير !!

[فايز بن سرحان الثبيتي]

المشاركة الأصلية كتبت بواسطة محمد بن رشيد

للتواصل والعذر !!

ياكبير القوم مدري ياصغير القامه = لاتطاوع فالمواقف نفسك اللوامه !!
خل عندك قو شخصيه وعزم وهمه =لاتعذر بالظروف وبالبلد ونظامه !!
لو جرى فعروق دمك ماجرى فعروقي = عشت مايبقى من سنينك رفيع الهامه !!
العرب تحسبك فاللازم سند وذخيره = وانت منت بنافع اللي معتبرك حزامه !!
قدموك وسلموك الأمر واللي غيره = المشوره والحموله والجمل واخطامه !!
وكلها راحت مراح مقيط مع مرواحه = يوم لحق ارشاه في جم ٍ طويل القامه !!
خاب ضن اللي رجاك ومن ترجّى مثلك =في قمم روس النوايف ماترز اعلامه !!
سوّد الله وجه من يعطي اللزوم اكتوفه =وجعل من هذي صفاته ماتطول ايامه !!
راعي الميقاف دايم ماترك ميقافه = ولاتراعد عن لزوم اهل اللزوم عظامه !!
مير هذي عادة اللي عادته معروفه =طابعه في وجهه الاسود وسوم وشامه !!
كل ماقلنا عسى غلطاته ايعدلها =لو غلطاته عداد اذنوبه وآثآآمه !!
جاب مثل الاوله عشرين واكبر منها =والبلد في فيّته طالت علينا اقزامه !!
ذمّته واستغفر الله صاير ٍ بايعها = لو يطوف ويستعي وسط الحرم بحرامه !!
علة ٍ في داخله متمكنه من قلبه = مايعالجها الطبيب ولالها سوّامه !!
الكلام ايطول والموضوع ماهو عادي = مير ابا اقول الحقيقه والكلام اختامه !!
البعير ابعير عيبه مايشوف ارقبته =ماتعدّل لو سحبها الجيب في صدامه !!

الله اكبر "


شااااامخه كما هو انت "


صح لسانك وفكرك الراقي "

قصيده غير عاديه ابياتها جميعها تجازت حدود الابداع "


رديت الرووووح في القسم يابن رشيد "



خمس نجووووم وتثبيت قليله في حقها "

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن