سعوود العصيمي =
تعال ابا اسولف معك يابراهيـم=واعطيك باقة ورد والا نصيحه!!
مالك ومال مقلبيـن المرازيـم=جلابـة المترديـة والنطيحـه.
إبراهيم الجذع=
أنا ليا جيتـك عكسـت المفاهيـم=والدار لو تحما الحما نستبيحه
الشاعر اللي خاض كل الأقاليم=ما هز راسه مثل راس الذبيحه
سعوود العصيمي =
حنا نوفي في جميـع الملازيـم=ونصك باب الريح لاجاب ريحه!!
في كل وادي مع هل الهيم وتهيم=واللي سواتك فالعرب مستريحه!!
إبراهيم الجذع=
أنتم كفو وسيوف ماهيـم مثاليـم=لكن من الميلات ماهي صحيحه
السيل ما يتبعه يا صاحبـي ديـم=جبنا علاجك يا القلوب الجريحه
سعوود العصيمي =
ماجاك منا غيـر فعـل الشغاميـم=علومنـا قـدم الاوادم صريحـه!!
لو ان دمك مـن دمـي المخاريـم=ماقلت ليش اتخيل الك كل ضيحه؟؟
إبراهيم الجذع=
بين الليال الوضـح ويـا المجاهيـم=مـا جيـت ادور مـد يمنـاً شحيـحـه
خابرك تجفل مثل مـا يجفـل الريـم=لو كان ما توحي من القوم صيحه
سعوود العصيمي =
تقولها واتنفخ الجمـر ياشريـم=من عقب كرمتك ياراع اللتيحه!!
مايجفـل الا لابسـات الملاثيـم=وش استفيد اقدح براسك قديحه!!
إبراهيم الجذع=
الرزق من رب الخلايق مقاسيم=العقل صاحي والسنتنا فصيحـه
اليـا حضرنـا يرتـخـاً المحـازيـم=راع المنيحـه مـا يكـب المنيحـه
سعوود العصيمي =
الصاحي العاقل يحـل المباهيـم=ماهوب منهو فيه قومه وطيحه !!
حنا نجومآ ماغطى نورها الغيـم=ياراعي الجوال طف الشريحـه!!
إبراهيم الجذع=
بعض العلابـي لايقـه للمحاجيـم=من حط الك محجام ربي يبيحـه
من دون دار القوم حد ومراسيم=ومن لا تقاضا حـي يلقـا قميحـه
« آخـــر الـــمـــشـــاركــــات »
العرض العادي
