قصيده في ربيع العظياني

[وصل الشهيب]

المشاركة الأصلية كتبت بواسطة أبوزبن البراق

يسعدمسائكم شخباركم
هاذي قصيده في ربيع بن مشعان العظياني

ياراكب اللي جديد تو مافكي
من معرض الشاطري بالنقد شارينه

ماتسمع الباب في جنبك ليا صكي
من معرضه بادين مشيه لتمرينه

جيب.ن. يدك المسافه بالكفر دكي
لو إله جنحان طيرته جناحينه

يصبح العاصمه والبوش مادكي
ولا يجي الليل مع جية مضوينه

يلقى (ربيع) خلاف دلاله متكي
حيل.ن. اتقدم وبن وهيل في حينه

والعود الأزرق يجيبه تاجره مكي
يشريه ويقدمه لوجيه لا فينه

صخاه مافيه لاريبن ولاشكي
لو ميل الوقت مامالت موازينه

وبالعرف يجبر كسير العظم والفكي
معرب الجد باينة براهينه

مالي وراء مدحته مقصود يالهكي
فعلن لقيته وغيري ناس لاقينه

يوم أنت عند الحريم تصك وتفكي
ماجيت راسه ولاتاصل كراعينه

وسلامتكم

الأخ ألشاعر

أبو زبن البراق

كفو المادح والممدوح

صح لسانك

تحياتي