ضيقت صــــدري ....

[برقا وي باشه]

الاخ العزيز مرزوق العتيبي سلمه الله

نعم ابدعت وامتعت

قلت عنها متواضعه اذاً ماذا نسمي مانقدمه ونحاول كتابته

صح السانك مليون ابامحمد


اول بعرش القلب ما حدٍ يساويـك
واليوم لاتزعل بعـد طـاح قـدرك

مادام هذا منهجك وش نبي فيـك
ضيقت صدري ضيـق الله صـدرك


اترك غرورك وانتبه في مماشيـك
انصحك لاتعجل علـى حفـر قبـرك


كنت امدحك وافرح بشوفك وطاريك
واليا طلبت اقول لك تحـت امـرك

وكنت احسب انه مابه احد ٍ يحاليك
حتّى كشف لي غيب الايـام غـدرك



كم مرة ٍ تغلط واسامـح واداريـك
امسح جميع اخطاك واقبـل لعـذرك

ارخصتني وانا الذي كنت شاريـك
والان انا بعتك ورخّصـت سعـرك

ابا انخلع من كل شـي ٍ يطرّيـك
ولا بذكرك بالخيـر لا حـل ذكـرك

تزعل بليّا شي مانيـب مرضيـك
لاتحسب اني حاسب حساب هجـرك

ضيعت معروفي وضاعت هقاويـك
ولاني ملحقها الندم يـوم اخسـرك


واصل طريقك جعل ربـي يهنيـك
و شف واحد ٍ غيري تحطه بأسـرك