خلف المطيري
ياالعطاوي وش اخذّ من يدين البخيل = لوّ أكثّر رصيده ماكثرّ مدّها
بعّد ماني مواطن صرت عابر سبيل =اثّر عمّته تفّنا مانست جدها
معجب العتيبي
ياقشر حظ من حطك خوي وعميل=كيف تعط العطيه ثم ترتدها
لابديت بجميله لاتحرّا جميل=لاتروح الليالي مدها شدها
خلف المطيري
ايه بانت علومك يالغريم الكفيل =تحسب ان الحقايق تقدر اتضدها
مانبيلك غضار ولا نبيلك صميل = لكن افعول حزبك عدها عدها
معجب العتيبي
ما اكثر علومك اللي ماعليها دليل=كان عندك دلايل للعرب بدها
ياخلف مايبين الا الكلام الجميل=مير عوّد بنفسك لوّ ماودها
خلف المطيري
القصّير حضنّته ماحضنت الطويل = دكت الخيل مرقدهم ولا ردها
مستحيل اتشفّا في خلف مستحيل = كل سبع القبايل كاسبن ودّها
معجب العتيبي
دام حضنك وسعهم ياخلف لاتميل=لحق الثاني الاول كذا قدها
الشماته جهاله في كثير وقليل=كل كلمه تقدمها يجي ردها
خلف المطيري
الله اكبر بدينا فالكلام الثقيل = دمعة الاد مي مركاضها خدها
مانذم الكريم ولا نذم الجليل = ثورة الشك عندك هدها هدها
معجب العتيبي
من عرفتك وانا واياك حطٍ وشيل=والظليمه بعيده ماوصل حدها
كيف وانت تحدا وصفوف لعبك تشيل=هي تحدك على النكبات وتحدها
خلف المطيري
صح انا مشكله واحب قدح الفتيل = لكن اهل المكده ماهضم كدها
الصفوف اتعرفها ماتعز الذليل = كمّ هجمه تجي من يدّك واصدها
معجب العتيبي
مشكله مشكله يافلان مالك مثيل=بس غيرك وراك لفعلك تردها..؟
والله انك كفو وحصان جاله صهيل=بس هجمات معجب منته بندها
خلف المطيري
شجرة التين تثمر مار وين الحصيل = فد نفسك من اللي خمها فدها
اه لو كان مالك وسط قلبي مقيل =كان ابكّي عليك اعيون واسدها
معجب العتيبي
غير هذي يابو عبدالله احضر بديل=قبل عينك علي تقوم وتلدها
الوعد ياخلف قدام مالك قبيل=غير من يلطم عوينتك ويسدها
15-Oct-2010, 02:37 PM
العرض الشجري