الشاعر المتمكن فقط

[برررق الحيا]

المشاركة الأصلية كتبت بواسطة خالد الروقي

الليله اللي محتزم يقرب على حد الصفاه=اما ذبحته فوقها ولا كسرته فوقها
ما عندنا ما عندنا للقوم يا كود الذكاه=لا حاربتنا القوم نجزيها بقص حلوقها

المشاركة الأصلية كتبت بواسطة ابراهيم الجـــــذع

الليله الليله حلومك ما تفسرها الرواه=أثرك مثل الحيه اللي سمها بشدوقها
ياللي تبا تضرب بحر ما لك من الغبه نجاه=لا تحسب أن الحرب تمره طارفه بعذوقها

المشاركة الأصلية كتبت بواسطة خالد الروقي

الفارس اللي لاغزا يطعن عدوه في قفاه=ما يعتبر فارس من يغدر العرب ويبوقها
نضرب خطرها ما حسبنا للممات وللحياه=واللي يعارض لسيوف الصارمه بيذوقها

المشاركة الأصلية كتبت بواسطة ابراهيم الجـــــذع

اللي يوامي بالعصا من سيفنا نشقر عصاه=والحرب خدعه والخصوم اليوم تلقا عوقها
محدٍ يلوم اشعيل لا منه وطا فرخ القطاه=لن القطاه موقعه في سوق ما هو سوقها

المشاركة الأصلية كتبت بواسطة خالد الروقي

الحرب خدعه والنهايه موتتك دون اشتباه=وهذي عصا موسى نطق بها الدبش وتسوقها
كان الجذع ما استسلم الليله وغطته العباه=والله لسوقه لين يكره عرضتي وطروقها

قمة وإبداع وروعة وإمتاع صحت الألسن والقلوب متحابة ومتآلفة

وحنا متابعيييييييييييييين