المنتخب \\ علي الثبيتي

[مرزوق حمدان العتيبي]

ابو محمد

يالثبيتي شد حيلك وجيب اللي تجيب = الكلام الصدق مافيه عاقل يجحده
شاعر ٍ تنقض وتفتل ولك عقل ٍ لبيب = مار كيفك هوّن العلم ولاّ عقده

ابو فهد

من مشى بالطيب يلقى من الاجواد طيب=ومن بدا بالطيب لابد يبلغ مقصده
وش معك من علم والمعرفه حظ ونصيب=وكل علماً يالعتيبي يجي في موعده

ابو محمد

امس في وسط الجريده ظهر شي ٍ غريب = وانت يوم انك قريت الخبر لاتجحده
اثر بعض الناس ياصاحبي مقطوع صيب = ون هرج له هرجة ٍ كل واحد ينقده

ابو فهد

الخبل جساس من حرضه يغدر كليب=مادرى ان الموت ياتيه من سيف اولده
يامفرحت الغريب ومزعلت القريب=لوحفظ مرزوق الاسرار محدٍ ينشده

ابو محمد

والله انك في كلامك هذا انسان ٍعجيب = ماحملت السيف ولاّ لبست المجنده
ماتشوف الذيب فوق الجبل يقنب قنيب = ان تركته طب وسط الحلال وبدده

ابو فهد

الجروح المزمنه مايعالجها الطبيب= الله انه لايضيع جهدنا وجهده
والله النا نلطم الخصم ونضد الحريب=مار هذا العلم وش صار قبله وبعده

ابو محمد

لو تضامن مع مشبب وتقسا مع شبيب = تكسب الاول والاخر وكيد بتفقده
مااحتوى كثر المشاكل سوى الصدر الرحيب = مار ليت اللي رقد ماصحى من مرقده