كلام الشيخين ناصر العمر و يوسف الاحمد عن عمل المراه في اسواق بنده (فيديو)

[العــــــــابر]

يابن ثعلي انت للاسف مركز على قرار الملك حفظه الله وانا وضحت لك هالنقطه بس انت مصر عليها.

وبعدين تعال لكلمة حق خلنا ناخذ فرضا ان الشيخين اخطوا وخالفوا قرار الملك فرضا .طيب لو يطلع بكره ال الشيخ واللجنه الدائمه وقالوا ان عمل المراه كاشيره حرام .وش بتقول هل

بتنتظر تعليقات الصحافه وعقب تشوف.


وياليت ياغالي تراجع مذهب اهل السنه والجماعه وتشوف الصح بعينك.


ياخي لايغرك كلام العلمانيه وغيرهم من المرتزقه فوالله لاينفعونك بل يضرونك.


انت ياخي تحكم من هواك وتقول عاجيه وتحت الارض وكانك تعيش بينهم ولاتعمم الخطاء.

هل ذهبت يوما ورايت بيت الشيخ ابن عثيمين وغيره من المشايخ وشفت سيارتهم.


التعميم لايجوز وبعدين ياغالي اكثر من نقطه طرحتها لك اهملتها كلها ورجعت للقرار .


مو مشكله طنش كل النقاط .


بس ابي اسالك هل ترضى ان وحده من بناث الثعاليه بنات الرجال الحشيمين بنات صبيان التوحيد

تعمل كاشيره مديرها لبناني وهي معه كل يوم في حسابات واجتماعات هل ترضى؟

طيب اذا ترضى وتقول خلها تاكل عيش انت تدري وش الشرووط للعمل تدري وش نوع اللبس والا ماتدري.


يعني ياخوك ترا الدعوه خربانه والمقصد غير اذا انت نيتك طيبه ترا نية اللي جاب القرار ماهيب طيبه.

وبعدين ياغالي انت يابن ثعلي لو عندك عشرة مليون ريال وعمك مات بعيد الشر لاسمح الله له بنت

يعني بنت عمك وحيده وابوها مات تبي تتركها تروح تشتغل كاشيره والا تبي تعزها وانت عندك هالفلوس؟

انظر الى ديننا وانظر الى علمائنا وانظر ميزانيتنا وانظر عدد السكان وانظر كل الحلول التي طرحت

بعيد عن الاختلاط المحرم والشبه ثم اجلس مع نفسك مره اخرى .


واتمنى ان تحسن الظن بعلمائك واهل دينك فلا تعمم الخطاء ولاتقول فيهم هالكلام.

فوالله ان الحلال بين والحرام بين.


تحيتي

التوقيع

سبحان الله وبحمده سبحان الله العظيم سبحان والحمدلله ولااله الا الله والله اكبر ولاحول ولاقوة الا بالله

آخر تعديل العــــــــابر يوم 26-Aug-2010 في 05:14 PM.