المراقب معجب العتيبي

[اصمعي عتيبه]

المشاركة الأصلية كتبت بواسطة برررق الحيا

أنت المعزب وأنا الضيف والضيف مايقلط على معازيبه والترحيب لك بدخولك دون قول برق الحيا وخذاريفه واهباله

وعز الله إنك غلبتني فيها وتراها مزوح من صغير لكبير شرواك

وش هالعملة يابرق الحيا بكبير الشعار هنا

يابررق الحيا الحين والله عقب ماشفت ردك كبرت بعيني

وهاذا ان دل دل علي معدنك الطيب والاصيل

وبيض الله وجهك ومعرفتك تجاره يالغالي

ولا تقاطعنا ومر علينا في صفحاتنا


عزالله احرجتني بطيبك

[معجب العتيبي]

الصيف ياصاحبي مافيه غير العصر=اذهن لنفسك ولو تتعب لمقيالها
اثرك لاعب مخضرم فاللقا معتبر=والكايده لو نزيد شوي تحتالها

صح لسانك


وتصبح على خير

التوقيع

[خلف المطيري]

صح السانك يامعجب والليل راح وعوضها فالليال المقبله انشاء الله

والشكر موصول لبرق الحيا واصمعي عتيبه

وتصبحون علي خير

[معجب العتيبي]

جبل صايد

يامرحبا في محلن مايسر ويضر = الا ليا شانت الايام وليالها
معجب نعرفه بشر لكن غير البشر=امقدّرن غتّرته وامقدّر اعقالها

معجب العتيبي

دام البقا في محلن مايضر ويسر=واحوال الايام ماتبقى على حالها
تجارب الناس نعمه والليالي عبر=والكلمه الطيبه من حظ قوالها

جبل صايد

للشر موجود اثر والخير مقطوع اثر = وام الكباير غلاها معّمي اعيالها
حرام دم الشريف حسين يضّحي هدر= ماتدري ان العباد أتموت بعّمالها

معجب العتيبي

كلٍ على قد شوفه مد ذاك النظر=وام الكباير يافال الله ولا فالها
من عرض النفس للاخطار شاف الخطر=واللي يبا حملته ينزل ويشتالها

جبل صايد

الشوف لاتذكره دام المحكم عور = يحطّ في يمينها ويروح لشّمالها
المشكله لاردعنا زيد يزعل عمر = وانتم تبون المشاكل نقطع احبالها

معجب العتيبي

حجتك ياصاحبي تحتاج ضابط خفر=تضهرله البينه وتثبت اقوالها
لاعودت ردع والا صد والا ضفر=الاوله قسمنا ماجيت في بالها

جبل صايد

لاصار خصمك حكم في وقت مالك ظهر = تركض ورا دعّوتك ولاّ تمشّالها
الاوله من ولي الكون ماهي حكر = انا ترا عمها وانته ترا خالها

معجب العتيبي

ماصار قاضي حكم في يوم والا شهر=يخاف يومٍ تكون خفافها ثقالها
اجل تجنب طواريها وخل السهر= في حاجتن غيرها والعب بموالها

جبل صايد

الله واكبر علي معجب نهاره قصر = قام ايّتحلا نجوم الليل واشكالها
انا ذكرت الهلال ولا ذكرت النصر = مالي دخل في خطا رجلك ومدخالها

معجب العتيبي

الصيف ياصاحبي مافيه غير العصر=اذهن لنفسك ولو تتعب لمقيالها
اثرك لاعب مخضرم فاللقا معتبر=والكايده لو نزيد شوي تحتالها

[برررق الحيا]

صح السان جبل صايد وصح السان معجب العتيبي شعار كبار وأمتعتونا بهالليلية الكايفة بطاروقها

وتصبحون على خير ياشعار وياحضور وأخص منهم أخوي الشاعر أصمعي اعتيبة واستر ماواحهت وترانا

نبيها مزوح لكن ما عرفنا موازينها والعتب على العمر والشيب اللي غزانا خخخخخخخخ

[اصمعي عتيبه]

الشكر الجزيل لاخواني الشعار ومشكور يابررق الحيا عزالله احرجتنا بتواضعك

ومشكور ياجبل صايد وبيضا الله وجهك علي احترامك للجميع وتواضعك فعلا بيض الله وجهك


شكرا للجميع

[معجب العتيبي]

الاصمعي


شكرا لك

[ابراهيم الجـــــذع]

صح السانك يا جبل صايد

وصح السان الشاعر معجب

مبدعين و وافين

[معجب العتيبي]

برق الحيا



ابراهيم الجذع



شكرا لمتابعتكم


وصحت ابدانكم

[سمي الجد]

شعار جزلين بارك الله فيكم