اقتباس:
المشاركة الأصلية كتبت بواسطة فهد علي العازمي
موضوع قيم وغير مستغرب على مثلك في الإبداع
ومرزوق ما أجمل ماينظمه مرزوق المقاطي في مجال النظم
جمالية تطغى على كل الوصف
وإبداع مبهر للغاية
على الرغم من تفوقه في المحاورة
إلى ان النظم عندي له طابع خاااااااص
|
نعم انه شاعر عملاق واليك هذه القصيدة الرائعه من قصائده
يارجم أنا ماجيت مبداك شفقان = ولاني بمشتاق ٍ لعسر المراقي
يبديك من قضـّى حياته بالاحزان = وآيس من ايام الفرح والتلاقي
ابيك انا يارجم ماني بطرّان = ليا دق بي هاجوس والصدر ضاقي
لاشك يوم ابديك كلـّه على شان = أسج ساعه لو تعب عظم ساقي
وأرقى على مبداك غايض وزعلان = وأرجع بغيضي مثل ماني براقي
لا واهنيـّك ماتبيدك الازمان = الناس تفنى وانت يارجم باقي
والعام أنا ويـّاك والزين جيران = واليوم قربك عقبهم مايطاقي
مافيك غير الطير والذيب سرحان = وثالثهم اللي مبتلى بالفراقي
طير ٍ ليا غنـّى وغرّد بالالحان = أجاوبه من حر مافي عماقي
اجاوب السرحان يارجم ولهان = ليا وقت في مبداك والذيب واقي
وأصبحت أنا والذيب والطير صدقان = أهل محل وفيك مثل الطراقي
يارجم ياليتك معك قلب ولسان = تشقى مثل مانيب يارجم شاقي
وتحتار لو نبتك زبادي وريحان = يصبح صريم ويابسات السواقي
« آخـــر الـــمـــشـــاركــــات »
23-Jul-2010, 12:21 PM
العرض الشجري