عتاولة شعر المحاورة فالخليج العربي

[مرقاب الشمال]

المشاركة الأصلية كتبت بواسطة مصر

لسنا في موطن الإطالة والتحليل والإثبات ، لكن المؤكد أن السناني شاعر مقالب ومعاني وتراكيب مستهلكة وكما قال أحد الشعراء في جزء من موال له ( في ذمتي يا السناني ما بك خلافي - لا شك طافي تخلي صاحبك طافي ) أي أن شعره لا يدعو إلى التأمل والتفكير بل لا يخرج عن عدة معاني وألفاظ متكررة بخلاف عبد الله الميزاني الذي يجعل الشاعر المقابل والجمهور في حالة من الذهول والتفسير لاعتماده على الجانب الفلسفي وقلبه للمعاني واستحضاره للتاريخ وغير ذلك من العوامل التي تجعل محاوراته وتراكيبه مدهشة بكل ما تحمله الكلمة من معنى ، ويتضح من خلال الردود وطريقة تفكير البعض أنهم يقيمون الشعراء بعدد الحفلات والحضور المستمر وليس بما يملكه الشاعر ويقدمه من شعر حقيقي .
ولا يعيب الميزاني أنه لا يتواءم مع بعض الشعراء شعريا فبدل أن تطالبه يا ابن المحايا بالنزول لمستوى هؤلاء طالبهم هم بالارتقاء إلى معاني الميزاني ومستواه حتى تكون المعادلة صحيحة .

اخوي مصر انت تقول الشاعر محمد السناني شاعر مقالب (( ومعاني ))

ما هو تعريف شعر المحاورة بنظرك ؟

اليس شعر المحاورة معنى يدور بين شاعرين , وشاعر يفتل والاخر ينقض
وهذه الصفاااات كلها موجودة بالسناني

وهو معروف عنه انه شاعر معنى من الطراز الاول بشهادة الجميع وهذا هو اساس المحاوره اللعب على معنى

اما قولك بان السناني تعيبه التراكيب المستهلكة فكلامك غير صحيح اسمع اي محاوره للسناني
واجزم لك انك راح تستمع للمحاوره للاخير وشوف محاورة الزلامي والسناني الاخيره موجودة بمنتدى الصوتيات وصدقني راح تعيدها اكثر من مره لشدة إعجابك بها

الا اذا تطالب السناني بألحان مثل هذه الالحان
في راسي يغني ثمانين جني
زيرو فايف فايف زيرو
و جدي اخذ جدك للشعيب وقال له انا طبيب

فاعتذر لك بان السناني لن يغني مثل هذه الالحااان لانكم تحكمون على من يغني هذه الالحان بانه مجدد في شعر المحاوره والشاعر الذي يتجنب هذه الالحان لكي يحافظ على مسيرته الشعريه خاليه من الشوائب تعتبرون ابياته مستهلكه

[خصيم الاجناب]

وجدت كلام فهد الزهراني هو الصواب


تفضلو



محمد السناني


سـلآم الله وانا طرقي وابي من يحسن الترحيب
ولولا محسن الترحيب ما جينا وسلمنا
والا ياطيب عبدالله وعبدالله بجنب البيب
ولولا حفظهم للبيت يمكن ماتقدمنـا


عبدالله الميزاني


هـلآ والله وحياك الله وصلنا الفك والتركيب
وصلنا الفك والتركيب واعلم لا تعلمنا
يا قلب الشاة لا تنشد عن الي راح قلب الذيب
كبن الحزم ماتدري عن الي في محازمنا


محمد السناني


نبيك تجيب ذيك الجوهرة كانك نويت تجيب
ولن ماجبتها نسري وحنا ما تفاهمنا
تبي تتعب لنا الايام والطفل الرضيع يشيب
وانا وياك مانلقا لنا جنب يزاحمنا


عبدالله الميزاني


يابن متروك اظنك تحسب انك جنب وانت جنيب
ولو جينا على راس الذبيحة ما تقاسمنا
تبا تبقى الجبال جبال زال ان الشعيب شعيب
ولا يا نارنا ردي علينا من مياسمنا

محمد السناني
بلاشي يعلمونك فتلت الاشناب وانت شنيب
جزاك القسم والي ما نشيلة في محازمنا
تحرك يا جبل شمرخ جبل نعمان مابه عيب
حركاتك تهز قلوبنا والوقت ظالمنا



عبدالله الميزاني
من الذمّة ما اذم السوق لو يجمع ذهب وذهيب
مادامك منت فاهم وش نقوله لا تكلمنا




حللوها ونادو ابو فائح يقنعنا كلبونا وابو تجان بعد

[الثاقب]

للاسف فيه ناس سمعو عبدالله الميزاني يمدح نفسه ويقول انا احسن شاعر ولافيه زيي والشعار كلهم يخافون مني وصدقوه هه


عبدالله الميزاني شاعر يضربها يمين ويسار ولاله اتجاه واحد واللي مخلي بعض الناس تصدقه تركيبه الجميل للبيت وغيره يخلف الله


قال ايش عبدالله الميزاني افضل بمراحل من محمد السناني هههه

[الحسيب]

والله يا أخوان ..

اللي يمثل شعر المحاورة بكل معانيها .......... (( ملك الحاورة ))

حبيب العازمي ..

شاعر سبق جيله بمراحل ...

وهو من اوجد النكهه للمحاورة في هذا الوقت .

والعجب ان ياتي من يقول ان بعض الشعراء افضل منه ليست كلمة حق انما عصبيه قبليه

وهو في قرارة نفسه يعلم بان حبيب لايوجد له قرين ...

كل التحايا للجميع

السلمي

[فهد علي العازمي]

يالربع لاتظلمون عبدالله الميزاني
شاعر من أعسر الشعراء واحفظهم لحقة
قمة شعرية يتميز بعذوبة ألألفاظ
وتراكب الجمل المترادفة بتوظيف ذكي
وخصم عنيد لا يستهان به
ولكن عيبه الوحيد الصوت مايساعد (مع العلم أن الصوت ماعاب رشيد الزلامي)

أما السناني شاعر ذكي وقوي ولكنه من الظلم أن يقدم على سوار الذهب شعريا

وكما قالوا الشعراء ((الشعر ليس مصارعة لا بد من وجود خاسر قد تنتهي المحاورة بتفوق الأثنين))


ولكم شكري

[ماجد العصيمي]

سوار الذهب فالقلطه مثل الفراعته فالنظم

[منيرالروقي]

تصنيف حول الواقع لكن الميزاني حطته مع حبيب ظلم

[& محمد خالد القحطاني &]

انا تمنيت انك ذكرت الشعراء بدون ماتساويهم ببعض لان كل شاعر له اسلوبه وطريقته فاللعب



وكلهم عمالقة ولاكن من الظلم ايضا انك تساوي محمد بن مشيط بالشاعر سفر الدغيلبي



وسلطان الهاجري بالشاعر ملفي المورقي لان بينهم فرق كبير

[خلف المطيري]

الشاعر عبدالله الميزاني ماراح افضّله علي احد حتي لايزعل مني احد

لكن عبدالله شاعر متجدد وغير مكرر بمعنا كل ملعبه يحضرها تجدها تختلف عن اللي قبلها

ومعناه عميق وحبكة للبيت عالميه وعجيبه واجزم ان الاعضاء اللي عابوه في قرارة انفسهم معجبين

فيه حتي النخاع

حبيب شهد له والثبيتي قارنه فالمسعودي وشليويح بصم له بالعشر وخلف ابن هذال سماه اسوار الذهب

السؤال هل ناخذ في كلامكم ونترك هولاء الاعلام ومدحهم ماهو علي مصلحه زي الايام هاذي المدح

اتاه قبل ظهور المكاتب يمكن مايوجد غير مكتب او مكتبين

بالنسبه للمحياني وابو تيجان اجزم لو ان اسورا الذهب عتيبي سوف تكونون اول المسوقين له

لان ارائكم غير منطقيه وفيه تحامل علي اسورا الذهب وليش انجامل يقول عمر بن الخطاب رضي الله عنه

يقول الصدق انجا

من خلال متابعتي للمحياني وابو تيجان اجد انهم متحاملين علي اي شاعر من مطير ولا اعلم السبب

ان جبنا تركي قالوا ماغير صوت ان جبنا اسوار قالو ماغير يفتل وان جبنا زيد قالو فاشل وعتيبه يجاملونه

وان جبنا خليف قالوا شاعر خزا

لا اعلم ماقصتهم مع شعراء مطير

يتصيدون السلبيات ولا يذكرون الايجابيات ويثنون علي شعراء من قبيلتهم وهم اقل مستوي من اسوار الذهب

حتي لايتهمني احد فالتجني ارجعوا لاي موضوع فيه شاعر مطيري واقروا ردودهم

صراحه شي محزن نحن نثني علي شعار عتيبه الممتازين ولانبخس حقوقهم

اتمنا انا وانتم ان نحذوا حذو العضو فهد العازمي والجوارسي لانهم متزنين فالطرح لاتحكمهم العاطفه
ولا يتبعون هوي النفس ومداخلاتهم منطقيه وعقلانيه وفرضوا احترامهم علي الجميع

وهم عارفين ان هذا شعر لايقدم ولا يوخر ولايرفع ولا ينزل

وكل عام وانتم بخير

سوار الذهب :
يامرحبا ترحيب بإسم مطير في حلة مطير = فالليلة اللي ماتساوى نارها وزنادها
المورقي يزري يشيل الشاه ويشيل البعير = وأنا عرفت البير قبل أقبل على ورادها

ملفي المورقي :
دام البقاء من هاجسٍ يصفق كما البحر الغزير = كان السنه عيدين هذا ثالثٍ لأعيادها
دايم ترى الطيب تحصل فيه شر وفيه خير = لكن شد خطام ريمه لايميل شدادها

سوار الذهب :
كم واحداً يكفخ سوات الطير وهوه مايطير = واللي تظلي من نصيب الموت لاتقتادها
الساحر الي حطها بحساب في سلك الحرير = آخر عدد يمكن ولايمكن يعرف أجدادها

ملفي المورقي :
ياصاحبي ياصاحبي كلٍ على روحه بصير = وأعمار الأمه لانقصها أحدٍ ولا أحدٍ زادها
بالله يوم أنك سريت الليل وين أنته مغير = علمني القصه ترى خير العلوم إجدادها

سوار الذهب :
أما نسميك الغني وألا نسميك الفقير = أثر البلادا ماتحب بلاد غير بلادها
عيا يكبّرك الرعد والبرق يالسيل الكبير = صحيح ماتشكى النفوس ألا على حصادها

ملفي المورقي :
نبا نسيرها على المعنى وعيت لاتسير = ياليت ابن سلمي يفك عقالها وقيادها
الظاهر أنك طحت الك في بير مادري في غدير = أرفع عيونك للفضاء وتشوف من روادها

سوار الذهب :
يالمورقي لاتدحم أكبر منك دام أنك صغير = الله يجازي والدتكم ماتحفظ أولادها
أشره على اللي يربطون الحصن فأرقاب الحمير = أحرص على نفسك عن الغلطات لاتعتادها

المورقي :
تحمّد الله يوم تاخذ بر وتقدم شعير = ترى الجزيره يالمطيري عارفين أسيادها
ترى الحمير الها تناهق والجمال الها هدير = وأنته تعرف اللي سرت سردادها مردادها

سوار الذهب :
مافيك لاذمه ولاهمه ولاعندك ضمير = الله يعز اللي حمتك ولحفتك أمجادها

آخر تعديل خلف المطيري يوم 17-Aug-2010 في 02:28 AM.

[خلف المطيري]

مطلق الثبيتي






ياقصر المرسلات اليوم صك الباب
قبل يدخل لنا عشريـن شيطانـي
ياعبدالله عليك الهينـات صعـاب
لكـن اتبـع طريقـي لاتعدانـي




سوار الذهب




ياقصر المرسلات الحق له طلاّب
عسى هذا يـروح يعلـم الثانـي
عسى ربي يكافينا من الاسبـاب
وعبدلـه عليـك تعلـق العانـي





مطلق الثبيتي




سمعت الهرجه اللي جابها النقاب
سواليفن تفرق بيـن الاخوانـي
انا ماجيتكم سـارق ولا نهـاب
وانا ماجيتكم جايـع وضميانـي





سوار الذهب




انا مااقول الك صادق ولا كـذاب
على عد الروى تشرب ياعطشاني
مادام العلم حده مثل سيف ذيـاب
تجيك الوافيه من غيـر نقصانـي






مطلق الثبيتي




انا ودي تشـب النـار ياشبـاب
وتطلع كل عـوداً فيـه دخانـي
انا كيف آمن الحيه واخوها الداب
لها عشرين ضرس وعشر نيباني






سوار الذهب




انا خابر وداري والسعد ماغاب
وصلتـك يالثبيتـي لاتباطانـي
ترى العاقل يحسّب للعلوم حساب
هذا راس الخبر والعلم قرحانـي





مطلق الثبيتي





ليا ضريتني من يمحش المشهاب
ابا اسامحـك فـالأول وفالثانـي
ليا دسيت خصمي تونس المشعاب
ولو تزعل معك غامد وزهرانـي





سوار الذهب





ليا شبيت نار الحرب يالحـراب
طلع لك فالبلد مسلـم ونصرانـي
ترى بعض العلوم يجي لها مجناب
يبا يقنع ويرضى كـل زعلانـي





مستور :

يامرحبا ترحيبة السيل = على الشحم والشاذليّه
أقولها بإسم الرياجيل = ربعي رياجيل الحميّه



سوار الذهب :

دام البقاء بسهيل وسهيل = والدين غير الجاهليّه
الهيل يابيض الفناجيل = الله لايكتبها خطيّه


مستور :

الليل بدري واسهر الليل = لاتخلف النيه بنيّه
ماتصلح الحيله بلا حيل = مابه خلاف ولا رزيّه


سوار الذهب :

وش تاخذ المله من الميل = وان كانت النيه مطيّه
على مسار اكريم وبخيل = والجايده ماهي بنيّه


مستور :

افرح ليا كثروا هل الخيل = والاجر في عيد الضحيّه
ايام مافيها محاصيل = وايام فيها سم حيّه


سوار الذهب :

انتم تحلمتم بجبريل = وأعطاكم الجنه هديّه
من يوصل الواصل مراسيل = عن سر ليلى العامريّه


مستور :

انتم رجعتوا مع هل الفيل = وأقول ياصعب القضيّه
نرسل عليكم طير ابابيل = يقضي عليكم في شويّه


سوار الذهب :

انته تبيع هذيل لهذيل = لأهل الهدى واهل الحويّه
كل العوج يحتاج تعديل = لو ان ماله قابليّه


مستور :

يبا يطيح النجم ابو ذيل = ماهو على القوم البريّه
ماعاد فالدعوى مداخيل = دوّر دروبٍ جرهديّه


سوار الذهب :

الأجل مايحتاج تأجيل = كبن للراعي رعيّه
ماأنشد عن اللي فالزنابيل = اللي بها ماهو بليّه


مستور :

مؤرخه جيلٍ بعد جيل = ماعاد تنهد البنيّه
اخبار يقفاها تفاصيل = من عندنا جاتك هديّه



سوار الذهب :

أدخل ليا جا لك مداخيل = واخرج ليا مالك قضيّه
على سبيل القد تفصيل = مفصلّه يافيصليّه








حبيبي لاتخف وأنته حرس عرشك بحـر وجبـال
عبـارة واضحـه يعنـي مراسيـنـا ترسّيـنـا

حقيقي والحقيقـة لاعجـب مـا تستحـق إجـدال
وماضيـنـا وحاضـرنـا غنـانـا لا غوانيـنـا

ولازلنا على صـدر الزمـان (مسجليـن أبطـال)
نعـم .. وامجادنـا فجـرٍ تبسّـم معجـبٍ فينـا

علمت أن الخطر والخوف والإذهـال روس أقـذال
تصيح بصوت يا مجنوننـا مـا شفـت صاحينـا

وفاح من الخجل مسك الجمال اللي غدى برجـال
ومدّيـنـا يديـنـا للمـصـالـح واستبـديـنـا

تلال وجنةٍ خضراء وصحـراء خدهـا مـا سـال
علـى ذلـك بـروق أخيالنـا ترعـد صحارينـا

بمعنى عالم الأمـر أول الدنيـا علـى الإجمـال
أعادتنـا صـور تسجيـل ماتـدري متـى جينـا

نسخ بالصوت والصـورة حيـاة مقـدرّة وآجـال
وسرّيـة قـدر غيـبٍ بمـا يضمـر يفاجيـنـا

يسامحنـا قبـولٍ كـان يمنعنـا عـن الإقـبـال
يـدق نحورنـا وأبحورنـا رحمـة ْ مناشيـنـا

من اللي ما يصدق لو أقـول أن الحيـاة انضـال
مـن اللـي مايحـس بقولـةْ أن الحـي يحيينـا

حبيبـي لا تسميهـا سـراب ولا كثيـب إرْمـال
وأنا أفهم وانـت تفهـم ويـش تعنينـا معانينـا

لقيت أن الهوى صمت وصموت وغشمره وإبسال
يا هل ؟ يكتب لنـا حـرف أبجـدي والاّ يقرّينـا

مراكيب الهوى العذري على جمر الغضـا زرفـال
علـى مــر الـعـذاب أتجيبـنـا ولا توديـنـا

يصورها القدر رحلة ويعرضها المصيـر أحـلال
يؤهلنـا نشـوف هلالـنـا فعـيـون أهاليـنـا

روته المعركه قصّـه واجلّتـه السيـوف إنـزال
تبلّـغ سعينـا رفـض التلاعـب فـي مساعينـا

تجلّت حالة البرزخ كهولـه فـي جفـون أطفـال
تلاحقـنـا نـجـاةٍ كنّـهـا تبـغـى تناجيـنـا

وحجم أصغر حجم ذرّة ووزن أصغر وزن مثقـال
بعد قتـل الزمـان اللـي متـى شينـا يمشّينـا

هبط مضرب مثل واعطى الصعود لضرب الأستمثال
وصوت البحر يمدحنـا وصـوت الريـح يهجينـا

زئير القسورة لـو سبّـح الليـل البهيـم أدغـال
شفـق شمـس الغـروب إفراقنـا ولا تلاقيـنـا

حبيبي ماعليش أهوى التّعمق قبـل أطـق الجـال
على مركـب غـرامٍ مـن سمانـا زار أراضينـا

آخر تعديل خلف المطيري يوم 17-Aug-2010 في 02:47 AM.