عيدان الطويل ((مصافحة أولى))

[مانع بن شلحاط العجمي]

مرحبا بكم اعظاء وزوار منتديات عتيبة الهيلا
ويشرفني إنظمامي لكم
وأحب أن اصافحكم بهذه القصيدة
المهداه للشيخ عيدان الطويل حفظه الله :
القصيدة :

باسم من لا قوةٍ لي بلاه ولاش حول=جل شان الفرد ذو الملك والعرش الجليل
باسمه ابدأ الهرج وأقول وإليا قلت أطول=بالقصايد حيث ماهي على يمنا بخيل
شاعرٍ يلقح بي الوقت لو غيري فحول=ما بقى في ساحة الشعر لأهل الحيل حيل
ياقصيدي شرّع الباب ثم فض القفول=إصدح بضيقات صدري لمن سمعه ثقيل
وإن تصيقه من صدى الصوت عسرين الزحول=ماعلي وإن وصل صوتي لعيدان الطويل
ياعتيبه لو ما لي على العمري دخول=بأزبنه من باب تكفى يا أبو نايف دخيل
ذكره ينادي هل الركب من ود وفضول=بلغوا شبه الجزيرة نبأ وادي عصيل
شاع ذكره ليني أيقنت بأن ذكره مكول=يبتلع ذكر الزحازيح ما يرضا القليل
ثم ذخرته للمهمات من عشرين حول= وما يبقا للثقيلات ياكود الثقيل
وساع ضاق بي الفضا الرحب لو ماني ملول=قلت بصبر واتصبر ولكنها تميل
ثم نصيت اللي ذخرته قبل وطي النعول=وإن درى عيدان بالوضع ما أدنق ذليل
شيخ ياعيدان جيتك ،، وأنا كلي مثول=مخترق كل أرض حاشد ومتعدي بكيل
ماعلي من حزب الأكراد أو عبدالله غول=ناصيٍ منصا الرجاجيل فاليوم المهيل
سيدي عيدان جا له صدى سمعه وضول=كنه موكل بتاريخ هذاك الرعيل
يعتزي لآلاد عاصم بساعات الذهول=فيه هومات العقيلي إليا من صار ميل
وكنه مزيد لاشتكوا لابته ثقل الحمول=للمغيرق كن عيدان في وقته مثيل
وكنه ورّاث المطابق على نفس الدلول=أي ذا مسيمير باقي لجيلٍ عقب جيل
وأي ذا الحثري شديد على حصان وذلول=فأبو نايف والشبه حي والورّاث أصيل
ورث لضيا من سليمان ثم جا له قبول=كل جمع آلاد عاصم تسموا بالطويل
يا أبو نايف جيتك أزحف على حسب الأصول=عجميٍ يزهم عتيبي ومنطوقه ذبيل
والزهم بين المناعير جعله ما يزول=سلم ؛؛؛ وإلا ويش معنى الجمايل والجميل
جيت قبلك مصطفى طلاس أبو كف امغلول=مارثة شيخان لاشك ديد أمه بخيل
طول لسانه حلاله وهو كفه كسول=يلتفت لأمه وياقرب سعدٍ من دليل
يالعصيمي صحت باسمك وأنا ماني ختول=وأزهمك وأقول تكفا ولا أطلب مستحيل
لايذٍ بك بعد ربي ولانيب معزول=من حصون تحتمي كل من يزبن عصيل
وفالختام أزكى الصلاوات في ذكر الرسول=طاب حظي في ذرى وجه عيدان الطويل

مانع بن شلحاط

[هيلاوي شقاوي]

صح لسااااااااااانك يابن شلحاط

ونورت منتديات الهيلا

[مرزوق حمدان العتيبي]

...

.

حياك الله يابو محمد وصح لسانك

....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[فايز بن سرحان الثبيتي]

يالعصيمي صحت باسمك وأنا مانـي ختـول
وأزهمك وأقـول تكفـا ولا أطلـب مستحيـل
لايـذٍ بـك بعـد ربـي ولانيـب مـعـزول
من حصون تحتمي كل مـن يزبـن عصيـل
وفالختام أزكى الصلاوات في ذكـر الرسـول
طاب حظي في ذرى وجـه عيـدان الطويـل



اللهم صلي وسلم على نبينا محمد "




مرحبا ومسهلا بالشاعر الكبير \ مانع بن شلحاط العجمي "


تواجد مشرف وقصيده شامخه صح لسانك لين ترضى ياعلم "

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[@ـايل]

صح لسانك يابن شلحاط ويستاهل عيدان ..

لاهنت

وسجل اعجابي

..

التوقيع

تويتر : AlHooL@

[حمود بن خيشوم العصيمي]

مانع بن شلحاط صح لسااانك قصيده مدح رائعه

وعيدان الطويل يستاهل لاشك رجل فرض نفسه بقوة العزيمه وطيب السمعه والرجوله


وانت مدحت بعض شيوخ وفرسان من العصمه ولسااان حالك يقول من هؤلاء ربعه

يحق له يفتخر ويستأهل المنصا ويقدر على كل علمٍ غانم


تحياتي واعجابي

[بندر المرشدي]

مانع بن شلحاط





صح لساااااااانك وابيض وجه


وعيدان يستاهل المدح وربعه يستاهلون



اهلا وسهلا بك في منتدى عتيبة الهيلا

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه

[سلطان الجـذع]

..
.
.
ياقصيدي شـرّع البـاب ثـم فـض القفـول
إصدح بضيقات صدري لمـن سمعـه ثقيـل
وإن تصيقه من صدى الصوت عسرين الزحول
ماعلي وإن وصل صوتـي لعيـدان الطويـل

الله الله يابو محمد صح لسانك مليون ...
وياهلا يامرحبا بك في محلك وبين أخوانكـ ...


تحياتي واعجابي
.
.

[فهد الشبير]

صــح لــســانــكـ يالقرم
قصيده جزله من جزل
ويستاهل المدح عيدان وربعه
ننتظر كل ماهو جديد من ممكلة شعرك يابن شلحاط
تــقــبــل
تـحيآتــي واحتـرآمــي

[فهد علي العازمي]

صح لسااااانك
وبيض الله وجهك


ونورت المنتدى بتواجدك