الظهور المشرف ..... والظهور العكسي ... شاعر المحاورة !!

[سرحان 511]

.

..

بكل بساطه انا اقول لك

اذا كان ابوي او عمي او اخوي شيخ او تاجر او صاحب منصب

وانا لدي قدره على تركيب البيت وصوتي جميل ولكن مضمون شعري لك عليه ملاحظات

يعني ينطوي تحت مظلة (طقها والحقها)

فاني من المؤكد سأخرج رغما عن انف الراضي والزعلان

كل ما استطيع عمله ان:

اقترب من المقرفون

واطقه ثلاث مرات

واتنحنح

واقول خلووووووووووها ثم اقول هيييييييه

اسمع ياولد : يالاله يالاله يالاله يالا لال وبمجرد مايسمعون صوتي العذب

واجلس على كرسي الشعار امام الكاميره على شان يشوفوني في الساحه والمرقاب

اكيد ان الحضور بيقولون هذا من هو ولده

بعد ها سياتي ابي او عمي التاجر او الشيخ لحبيب او مستور اورشيد ويقول هذا ولدي او ابن اخي

والله لايهينك يابو فلان تراه شاعر ونبيك تجاريه

وعاد الله يعين الشاعر الكبير على الاحراج اكيد يبي يقوم ويلعب ويجامل

(ومن اجل عين تكرم مدينه)

وبعد نهاية الطاروق يبقى الاهم

لازم ابوي الله يحفظه يروح لحبيب ويقول هاه يابو فيصل(حبيب) عطنا رايك في ولدي عساه اعجبك ههههه

عاد ابو فيصل تعرفونه ههههه لازم يدهن السير ويسير ههههه

بيقول اي والله انه شاعر خطير وله مستقبل

ومن تلك الليله ينقز هالورع المقرود للانترنت وينزل محاورته مع حبيب في اليوتيوب

بعضويه اخرى غير عضويته الرئيسيه في المنتدى ويطبل لنفسه

بمقولة حبيب شهد للشاعر فلان(نفسه)

ولاعاد يلعب مع شعار المنتدى بعضويته الاصليه

وحقين الانترنت مساكين يطردونه

يابو فلان تكفى نبي صدقه طاروق واحد وكلمه حسنه يعتبرونها شهاده

هههههههه يذكرني بقول طبيب يداوي الناس وهو عليل

واليوم الثاني يسجل اسمه في مكتب القصير او تراث الشعراء او الركن بناء على شهادة حبيب اومستور او رشيد

ولكن يبقى الاهم

مثلا لو لعب مع سوار الذهب او السناني او ملفي ولاجاملوه مثل حبيب ومستور وبن عياد

ينزل مقطعه معهم ولكن بعنوان غير لانهم كرشوه

ويكتب(الشاعر فلان يمسح بملفي او سوار الذهب او السناني البلاط)

ثم يجونك صغار السن والمرهقين يطبلون ويجونك جمهور الشاعر الثاني يسبون

ومنهنا وصلنا الى عالم الشهره وعالم العصمه

وأبدأ انا اشهد للشعرا اللي بعدي واحكم على من كان قبلي

ويمكن اعض اليد اللتي احسنت إلي واقول ابو فيصل والله مايعرف من الشعر غير اسمه

ومطلق ماهوب شاعر والمسعودي كذلك

والعصيمي فاشل هههههههههههه

وسلامتكم

هههههههه


همسه / لا احد يأخذ كلامي بحساسيه زائده

ولكن هذا حال اغلب الشعراء والمستشعرين احد يجامل والاخر يصدق الكذبه

ويرى في نفسه القدره على التصدي لكل الشعار
..

.

آخر تعديل سرحان 511 يوم 02-Apr-2010 في 04:13 PM.