ابن سرحان الثبيتي
سلام من هيض الضمير ومن مشاريه الرجال = ليت الجمل يبرك ويرخي للحموله منكبه
نو ٍ تحدر من جنوب وعارضه نو شمال = لكن عيا ماه ياكبتن عتيبه يسكبه
كبتن عتيبه
يامرحبا وأن كان ابه شرهه عساها للزوال=والحمل يركب له جمل وشعيل حمله يركبه!!
يبى يلوح البرق بامر الله وينصب الخيال=هذا ليا منه سلم صفق الهوى لا ينكبه!!
ابن سرحان الثبيتي
يابن الحلال اشعيل ماشال الحمل يابن الحلال = انته على شاط البحر مرتاح وش دراك به
الحمل اله عامين في ظهره واضنه لايزال = والراعي المقرود حط القيد من تحت ركبه
كبتن عتيبه
سولف وعذرب فالحمول ..ولا تعذرب فالجمال=ترى الجمل يأكلك لو أقول اله :معناك به!!
بعض البشر لو قلت أبا مليون..قال ابشر.. تعال=وبعض البشر ..لو يأخذ ..ريالك..شرد ماجاك به!!
ابن سرحان الثبيتي
الوقت عيا ينصف المظلوم من سود الليال = مدري متى يبدي علاك الصحبح واهنيك به
من صاحب المليون مانبغا جنيه ولا ريال = اليا سرق حق اليتيم انقوووول \ وشعداك به
كبتن عتيبه
اللي معه صبر وعزم يمشي لو أن الدرب طال=والدرب يقصر كلما تصبر على ممشاك به!!
والشعر يبقى يالعتيبي مع هله..وأقرب مثال=الأكلبي تلقى قصِيده مع جميع الأكلبه!!
« آخـــر الـــمـــشـــاركــــات »
09-Mar-2010, 09:37 PM
العرض المتطور
