يضيق صدري نوب من بعض الوجيه !!

[محمد الـعـريدي]

\

/


أسعد الله أوقاتكم بكل خير اعضاء وزوّار منتديات الهيلا .. إليكم هذه الأبيات المتواضعة

اتمنى أن ترقى لـ سمو اذواقكم .. و تنال ولو بالشي القليل من رضائكم :

يضيق صدري نوب من بعض الوجيه = حتى يضيق الكون فينـي بأكبـره !!
اصبر وانا صدري يفوح و ممتليـه = ضيقه .. ولا لي حيل ولالي مقدره !!
لو في يدي موت الردي والأ السفيه = يمدي وهم تحت الثرا في المقبره !!
أسفه ردي النفس و أكـب الكريـه = ولا كل وجه ٍ يستحـق المقـدره !!
بعض الوجيه اللي حياها لـك عليـه = مبطي وهي عندي ترى مستحقره !!
أدوّر الطيّـب و قـربـه أشتـريـه = و أمـد لـه ام الشحـم و أقـدره !!
والأ الردي أدخل على الله و أرتجيه = باب ٍ يجيني منه ريـح مسكـره !!
لا يحتري قربـي ولانـي محتريـه = أجلس لحالي و أحمد الله واشكره !!
ياوجد حالي يا زمـان ٍ غـاب فيـه = اللي ينومس كل شخص ٍ يذكـره !!
اللي وفـاه وطيـب ذاتـه مكتسيـه = وكل ٍ على فعل الجمايـل يخبـره !!
في وقتنا مـا عـاد للطيّـب شبيـه = والأ الردي في وقتنا يا ما اكثـره !!
لو في يدي موت الردي والأ السفيه = يمدي وهم تحت الثرا في المقبره !!

\

/