العمدة
يا باما وش ترقع وش تخلي من سوايا بوش=ترى مافيه قرية مـا دخـل فيهـا وخربهـا
تظن الدرب قدمك بالورود من أوله مفروش=ولا تدري عن اقدار السنين وعن مصايبهـا
سعود البرقاوي
ياصدام العراقي يوم عرقك فالثرى مخشوش=تضحوبك رياجيلٍ تفتل في شواربها
دخيلك لاتكلم وانت من كل العرب منهوش=حقوقك ضايعه والواجب انك ماتسيبها
العمدة
على وضح النقا والنجم ما تقدر تنوشه نوش=ديار يعزهـا بـاذن الولـي وديـار ينكبهـا
مقابيل الليال السود لا تلبس لهـا طربـوش=تولـم بالسيـوف المرهفـة والا تجنبـهـا
سعود البرقاوي
على وضح النقا نعرف علومك ياسعد علوش=مشاكلك القديمة ،، كلنا نعرف سبايبها
ليا دقت طبول الحرب ليمنا حرس وجيوش=حكومتنا الرشيدة لازم نحقق مطالبها
العمدة
هوامير الذهب ما تاجروا فالمعدن المغشوش=ووزعتهم بروس اموالها تضمن مكاسبهـا
تسمى بالوطن مار الوطن يالجندي المربوش=مواقيفه على امثالك من العربان ما اصعبها
سعود البرقاوي
تكبر لقمتك من حيد راس الناقة المعروش=ولن غصيت قلنا عادتك دايم تغص بها
صعاليك العرب مثلك ماتفزع في نهار الهوش=اخذ زبدة سواليفي هذا الليلة وقف بها
العمدة
يشيل البحر جسم وبعد بكرة خيرته مطشوش=على شاطيه من هول الظروف اللي يجربهـا
قبل سدك يبيح وتستدير تروس فكرك بوش=توخر عن لهيب النار لا تلحـق مشاهبهـا
سعود البرقاوي
مع أهل البادية نبغى نحوش الضين وسط الحوش=ولا ندري عن الدنيا وماتخفي عواقبها
الا ياربعنا الروقة ،،، هذاه الروقي المخروش=بريٍ منه ومن علومه اللي معه جايبها
العمدة
يا حواش المواشي خوش مهنة يالنفاعي خوش=تعاهد حالها وان كـان حـدك وقتـك اجلبهـا
انا ما ابيع واشري في مواتر بديها مرشـوش=لكن اوراقك اللي بعثرت يـا سعـود رتبهـا
سعود البرقاوي
رسول الله رعاها ،، وانت منك العارفه مدهوش=حصل فيك اشتباه ،، ونظرتي ماني مكذبها
تبيع وتشتري من كيس رجالٍ عطاك قروش=لحيثٍ انك ماتملك غير ساعتك وعقاربها
العمدة
عليه افضل صلاة .. ولا انت مثله راسك المنفوش=تقرب مـن وصوفـه مـار قلـي كيـف تقربهـا
يا راع الحجة اللي تبهت اهل المعرفة ..مكفـوش=ياليتـك قبـل تطلـع مـن بلاعيمـك مقلبـهـا
سعود البرقاوي
يصير الوصف حول الوصف ،، مسلم وانبذ الدنبوش=لكن انت وصوفك ،،، كل خلق الله تغاربها
عيونٍ ماتشوف بعيد وعيونٍ بدون رموش=حقايقها نبا في صفحة الديوان نكتبها
« آخـــر الـــمـــشـــاركــــات »
11-Dec-2009, 11:14 AM
العرض الشجري