بسم الله الرحمن الرحيم
السلام عليكم ورحمة الله وبركاته
حبيت اشارك بهذا الموضوع لعله ينال اعجابكم
الفكــرســجـاتــه فــتيـــلــة وبـــارود=لاعنــت افكــارالقريـحـــة قـدحــها
والحزن تحت اضلوعي العوج موجود=نزل بفيـضـــة خـافـقي مــابرحـــها
لاذعـذعـت بأعلى مـراقيبــه النـــــود=هب القلق والضيق غصـب ولفحــها
تاخــذني الايــام واغيـب واعــــــــود=من غـاص ببـحور المحبـةســبحــها
لعيـــون من فيــها عن امثــالــها زود=شيـهانة(ن)بالـزيـن ربـي ملحـــها
سـلـمـتـها قلــب ومـواثيـق وعـهــــود=وشعر(ن)لياهضت اشجونه مدحها
ليـن انتحـى للبـعد وعيــونـه الســــود=ومن لارســب في حبــها مانـجحــها
قطـفت لرضـاهـا من الشـوق عنقـــود=وكـم زلـة(ن)منـها فؤادي دمحــها
صـاررالجـزاء منـها غرابيل وصدود=يانخلـة(ن)شـحت بحـالي بلحــــها
عـاتبتـها مرة ومن دون مقـصـــــــود=دلوعــة(ن)حتـى عتـابي جرحــها
قامـت تكـابر والجفـا يـيـبس العـــــود=ليـن اجزلـت نفسـي وعافـت فرحـها
واقفيـت عنـها ضيـقتـي مالـها احــدود=من ضيـق اصدور البشـر ماشرحها
ياكبـرهـا لاصرت ماخوذ مجـحـــــود=ولا سـبلت دمعتـك ماحـد ن مسحــها
الشـاعـر/علــي الريـض
,
،
،