اول مصافحه اتمنى تنال الاعجاب!!

[الشاااطري]

السلام عليكم ورحمه الله وبركاته


هذا ابيات بعد ابيات وجهت لي فأتمنى تنال الاعجاب كلا الإثنتين

لابيوت جات من صاحبي مير=كنه نواني ياعرب بالاذيه
ماني بضايق منه عشانه صغير=توه مايعرف ويش معنى الحميه
عسى ماياتي منه فالجاي تقصير=لو ذمته مما يقوله بريه

الرد.....

لايابيوت سقتها حزت عصير=للصاحب اللي يحتمي كل هيه
تركي ولد مطلق زبون المخاسير=رمز الوفا راع اليمين النديه
الشاهد الله ياولد رازق الطير=إني يابو مطلق ماجيك بأذيه
عيب علي اخطي يانسل المناعير=طبع المطيري مايحب الخطيه
وشلون ترضى بهرجت قلتها غير=ماشلتها من باب دمح لسيه
تقول توه ياجماعه فريفير =واخاف لارديت يشره عليه
والفرق واضح والعطاشا على البير=وإمزهبنلك كية فوق كيه
وإكرب حزامك ياعشيق المغاتير=اللي لهم فالقلب روحه وجيه
والله يجعل خطوتك كلها خير=وترجع لنا من بعد عيد الضحيه
سالم وغانم جاينا بالتباشير=وياللي عطيت اليوم جتك العطيه
هذا كلامي دون زيف وتزوير= مصبوب في فنجال من شاذليه
وانته تعرف الورد مثل المصادير=وعيب على الرجال يترك خويه