ذود المشاعر

[عبدالله القثامي]

إليا متى تلعبي أضغاث الأحلام= تعبت وأتعبني زمان المعاناه
كنه يقسم ثومة القلب قسّام= يحدني وقت العنا وأتحداه
أنام ليله وأربع أليال ما نام= دولاب فكري ضارب كل منحاه
مابين حلم وعلم وإغضاي وأوهام= مخالطه دمي وتجري بمجراه
يقفي بحر عام ويقبل بحر عام= والقلب يطرد له سراب بمضماه
كم بارقٍ يجلى حناديس الأضلام= ونخيل نوٍ في علوه وفي أدناه
ونسوق له ذود المشاعر والأقدام= ونصبر على ميل الدهر وإنترجاه
عشرين شده من ورى الشرق للشام= كلن ورا المقصود يشعب مطاياه
وأخطى ورحنا بين ظايم ومنظام= لأحدٍ رعى عشبه ولا احد شرب ماه
رحنا من أسباب الدهر عدة أقسام= ما واحد منا لقا ما تمناه
والعمر يمشي والمقادير قدام = واليوم بعت الذود ما والله اقناه
وأنا لفرقا راعي الحقد عزام= وإلا الوفي يلقى الوفاء لا عدمناه
واللي توامي به ذعاذيع الانسام= عيدي بعد لاماه بعده وفرقاه
بعض العباد اخطر من محقب السام= والله ما تلقى خيرة الله بلاماه
لو تنجب الدنيا من أشكاله اتوام= كلن يعود لأصل ساسه ومرباه
حتى ولو له داخل القلب مرسام= خله يروح بكل دينه ودنياه
وإن جاك قول ارتاح يا فدح الاخصام= على مواجيب الرجال ألمسماه
وأبعد ويكفي منك سلام الإسلام= وش عاد يبقى غير منك أتحراه
وإسلم وسلم لي على ماض الأعوام= وسلم على ألطيبه وسلم على الجاه
حمست لك كبدي على صاج الأيام= ما فاد فيك وماضي الوقت ما أنساه
يكفيك مني مرحبا والتبسّام= ثم روح عني روحة مقيط ورشاه

التوقيع

القاف لن باحت قوافيه ينهار= يشيب لاكنه معي مايشيبي وصرفت من بالي تصاريف بيطار= ينقد مثامين الكلام ألأديبي وبنات فكري بالمثامين تجار= وعلي مايصعب صعيب الصعيبي ولأقول ما غيري من الناس شعار= لأكن ميزة شعري إني عتيبي أسمٍ بنا في عالي المجد ميكار= عز الرفيق منزحين الحريبي