ابواق الظلال وعلمائنا الافاضل

[محمد بن رشيد]

تصدياً لكتّاب الظلال وهجومهم الشرس على علماء الامه في وطن الخير والاسلام

فالبدايه وين ابلقا للحديث ابدايه = دام في قلبي علوم وفي ضميري طاري
ماقريته فالرساله يتعب الحكّايه = وين اباالقا من يعبّر عن شعوري غاري
لاهي اروايه / واقول انّي بقول اروايه = ولا حديث ٍ جايبه مسلم ولا الغفاري
فالاهميه( مهم ) وفيه قصد وغايه = اعلنه واجهر لو انه سرّ من أسراري
( كيف لا ) واعلامنا ماهو طريق اهدايه = ضلل الامه ويغرف من حساب ٍ جاري
كل يوم وكل ليله / طالع ٍ بحكايه =باذل ٍ جهده ومجهوده لغزوا افكاري
في رجال الدين / أوشوا فالوطن بأوشايه =كن يحداهم عن السنّه طريق اجباري
ضللوا واستفحلوا واخذوا دروع ورايه = لاحسيب ولارقيب ٍ عن عملهم داري
يحسبون اقلامهم تقدر تحرّف آيه = من كتاب الله وتثني عزمي وأصراري
خططوا بأحكام متقن وأعملوا بدرايه = لو من الصحه كلام اهل الظلاله عاري
في زمان ٍ قام يبري المسلم ابـ .بّرايه = لامهاجر ينوي الهجره ولاش انصاري
والقلوب السود ماتعمل يصير امرايه= احسب الاعداء بعيد / وجاء عدوي جاري
من كثر ماشوف قمت اشكك افـ .أعضايه = مابقى الا آضن في ثوبي وأفك ازراري
كل ماشبيت نار احسب حساب ألـ . مايه = خايف ٍ لاماي بيديني يطفّي ناري
مالت الكفّه / ولا ادري فالسنين الجايه = وش يصير وينتهي من بعدها مشواري
شاعر وغنيت / وانا شعري ومعنايه = اعتبره لديني انّه رايتي وأشعاري
والوطن غالي / وفي قلبي عليه اوصايه = وشعبنا برجال دينه / وأعلماه ايماري
ودام للاسلام رايه / للظلال انهايه = جعل ما لأهل الفتن واهل الجهاله طاري

التوقيع

ياناشد ٍ عن عتيبه تعرف اعتيبه =قبيلة ٍ تظهر المسجون من سجنه ! قوم ٍلها العزّ والامجاد والهيبه =وتشهد لها الناس ( قبل العرض واللجنه )! واللي تشوفه على (الصحرا ) نماريبه =هذاه مترك سليل المجد ابن حجنه ! mrm@mergab.com

آخر تعديل محمد بن رشيد يوم 05-Oct-2009 في 01:45 PM.