 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
|
|
أدوات الموضوع | انواع عرض الموضوع |
|
|
|
|
30-Aug-2009, 04:55 AM
|
رقم المشاركة : 1 | |||||
|
حبيب العازمي.....والمطرفي
السلام عليكم ورحمة الله وبركاته
هذه محاورة من أروع المحاورات بين الشاعر الكبير عبدالله المطرفي والشاعر حبيب العازمي وهي من أجمل المحاورات التي درات بينهما حيث تحمل جميع أساليب المحاورة في هذا القاف الأكثر من رااائع فأتمنى أن تستمتعوا بهذا القاف بين الشعراء العمالقه....واعذرروني اذا كانت مكرره حبيب العازمي الليله الليله مسى وأمسوا على خير يالله عسى فالأمر خير وفيه خيـره اتعبت رجليني وتعبـت المداويـر والمطرفي يشعب مع الساحل بعيره عبدالله المطرفي الليله أنته لك جناح وطير ياطير جعلك تجيني بالخبر من كل ديره لك عندنا مقدار والدنيا مقاديـر كان التمني يجبر الرجل الكسيره حبيب العازمي ياللي زرعت الروض الخضر بر وشعير الحـب تطحنهـا الرحـاه المستديـره هذي ثمان سنين وأنتـه تنقـر الزيـر واليوم كبـرت مامعـك فيهـا بصيـره عبدالله المطرفي ماكل من يارد يجيب الماء من البير مايشرب الضميان بحبال قصيـره اللي على دربك يدقون المساميـر لكن لاتاطى على شوك الحضيـره حبيب العازمي مايعبر البحر الحمر غير البوابير والسالفه ماهيب شاهي وتعميـره ظليت شيخ تحتمي تال الطوابيـر واليوم مبعد من ورى حد الجزيره عبدالله المطرفي إن كان تبغانـا نخليهـا مجاريـر صاحبك منته مظهر اللي في ضميره أهـل الأشـده ماتعذرهـم معاذيـر والظفر مايطرح شداده عن بعيـره حبيب العازمي أنا أنقد المعنى مثل نقد الدنانيـر وأشير رجل ورجل ثاني ماستشيره راع الشداد اللي يشيله ماله بعيـر قالوا بعيره مات وشـداده نجيـره عبدالله المطرفي ماكل ناس يدهنون السير ويسير اللي يدينه فاضيه ماسار سيـره الله يبارك فيك ضحكت الجماهير والخافيه يبغى لها بصر وبصيره حبيب العازمي كم حذفت صابت لها عشرة عصافير ونضف ريشك طير في ليله مطيره شربت من زمزم وكسرت المواصير عز الله أنك سيرتك فالناس سيـره عبدالله المطرفي إن كان حسبت المكاسب والمخاسير العازمي لاتصبـح يدينـك فقيـره ياقوم ياللي تحفرون الأرض تحفير والفيد تهدونه على شيخ العشيـره حبيب العازمي نبى نحطلهـا مواريـد ومصاديـر والمطرفي يكفى على سمنه مضيره اليا التفتنا يمكم جاء حسن تدبيـر ياللي تعبون المخـازن بالذخيـره عبدالله المطرفي يوم أنت ضاري بالقصور وبالمقاصير لكن وش حدك على شمس الظهيـره ماكـل بيعـه تشتريهـا بالدنانـيـر ياللي تشوف الهينه مثـل العسيـره حبيب العازمي ياكبر حنجوره على بعض الحناجير أثره جمل لكـن مايسمـع هديـره بعض البضايع مالها فالسوق تسعير واليا شراها المطرفي ماني خشيره عبدالله المطرفي لحم الجزور اللي معلق بالشناكير من حطها فالقدر يافار الخميـره اللي مثنى لو أسوقه بالبواكيـر الله يسهل للحمول بعير غيـره منقووووووول\ |
|||||
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض الشجري