ابن عياد وسوار الذهب مع (تحليل المعنى )

[ابو فايح]

اولا :- كل عام وانتم بخير

الحقيقه كنت ناوي اطرح هذه المحاوره بعد شهر رمضان ولكن جوال اماسي ارسلها امس للمشتركين
واعرف ان بعض الجماهير يريد ان يعرف مابداخلها من اسرار فقلت بما انها نشرت سوف اضعها امامكم قبل ان تصل المنتديات الاخرى


المحاوره كانت في شهر سبعه بالرياض بحضور سفر الدغيلبي وابن عياد وسوار الذهب ومتعب الشدادي


محاوره لا اعلم ماذا اقول عنها ناريه الى ابعد الحدود

بداية الطواريق كانت بين سوار الذهب وابن عياد وساوضح بعض ابياته في هذا الموضوع


بعدها طاروق بين سفر ومتعب الشدادي

وبعدها طاروق بين الشدادي وسوار الذهب .

وبعدها موال بين ابن عياد وسفر

حتى ان ابن عياد يقول لماذا لاتلعب مع سوار الذهب فيقول ما (العب مع الهمل )

وبعدها ابن عياد وسوار الذهب طاروق اخر

وبعدها قاف رابعي ابن عياد ومتعب الشدادي وسفر وسوار الذهب وكان ناري بين ابن عياد وسوار الذهب



سابدا معكم باول طورايق الحفل واكثرها قوه وساوضح بعض اسرار الابيات




ابن عياد

مرحبا في خلة الشدادي الله لايهينه * من بني الحارث صلاب الرؤس خطلان الايادي
المطيري لايحيلون العرب بيني وبينه * عنده جيوش وعتاد وعندي حيوش وعتادي




سوار الذهب .

البقا بك وانت منته سور مكه والمدينه *بس فيك خير والحرث منزحة الاعادي

(كالعاده استهزاء بالخصم )

من هو اللي من بعد ياخذ كتابه في يمينه *اتلفت في بلاد الناس ولا في بلادي



ابن عياد

ليه يوم انك تصير اكبر بطل واكبر رهينه * بين سيل وبين ليل وراس ضلع وجال وادي
(بطل وصار رهينه من هو ؟؟؟؟)( ترا ماهو سوار الذهب شخص ثاني )

كن في عينك سراب وكن في صدرك مكينه * من مقابيس الشرار التي تناقلها الايادي



سوار الذهب

الله اكبر وش يهم الصابرين من الغبينه *بعضنا من بعضنا لو وضعنا ماهو بعادي
(وش يهمك من هذا وترانا كلنا نعرف علوم بعض )

لي صحيبن يوم اشوفه كن عين الذيب عينه * له ضلوع وله فزوع ن كثر عمدان الجرادي



ابن عياد
يعرف اللي في يسار الدرب واللي في يمينه *لاعليه بالحرام اني ما اجنب عن مرادي
امش فالدرب الصحيح وخذ زياره للمدينه * واخذ في مكه ثمان ليال واخضع للجهادي
(لتكفير ذنوبك على مافلعت اعتكف في مكه واذهب زياره للمدينه وجاهد في سبيل الله )




من هنا انحرف مسار الطاروق بسبب سوار الذهب وكالعاده وكما قلت سابقا



سوار الذهب
الوجيه الضاحكه مستبشره ولا حزينه *انت مايقطعك من نقل الصميل الا البرادي
(ماهو الصميل الذي يريد ان ينقله ابن عياد ؟؟) (وماذا يمنعه ؟؟ لانه بارد الحيل )

حسب ماسمع عنك عند البدو منت ثقيل طينه *وانت يالمفتا قريب اعطيك من شربي وزادي
(بيت لايقل عن سابقه )



ابن عياد
وين عبدالله عن الميزان والميزان وينه * اصقه(ن) ماعاد يسمع لاصياح ولا منادي
(اسقاط رائع جدا اسمه عبدالله الميزاني لكن علومه لاتدل على اسمه )

زادكم ماهو بحلو ولا تغشاكم سكينه * تشربون من الحليب وتاكلون من التوادي



سوار الذهب
انت ابن عياد من انته لايقين ولا جهينه *عدها لو الجواد المنعثر ماهو جوادي

(افتخار بشاعريته كالمعتاد )

قالوا العريف مظاهر الفتى قدام حينه * وانت لو يعرفك ابن حثلين يجهلك المهادي


ابن عياد
انت رجال متعلم مار في صدرك ضغينه * يوم تومي بك حدور ويوم تومي بك سنادي
ماسبحت مع البحور ولا تعليت السفينه *وان نشدنا عنك قالوا من حصا الحره وغادي
(توصيف جميل لحال عبدالله )



سوار الذهب
يالله ارحم والدي ويالله ارحم والدينه *البسيطه كلها ريش ومخاليب وثنادي
صاروالبحار عيا يتفق ديني ودينه * بس انا رجال اصيد الا عليقه ماتصادي
(رجع الى اسلوبه المعتاد بعد الافتخار بالشاعريه )



ابن عياد
الحسايف يوم قدمتك على راعي الدفينه *وانت وجه(ن ) لاش نار ولا شرار ولا زنادي

(الحسايف يوم طلبتك ان تقابلني قبل سفر الدغيلبي وانت مافي وجهك 0000)

ان صدق حلمي لسان الرجل زايد عن يدينه * ليت حمران النواظر طيروه مع الحنادي

سوار الذهب
انت وش دخلك مابين الثلاثه والثنينه *حارثين منقسم نصك فحم نصك رمادي

مابقي من لمة الجهال غير مصدقينه *والا انا رجال يحكي لي لساني عن فوادي .



ابن عياد
هيه يالخباز ياللي ماتعرف الا العجينه *ملتوي وجهك تقول انك عن الدرب متحادي
(لا يعرف الا ان يعجن الطواريق ببعض اساليبه )

ماطلبنا منك نقد ولاطلبنا منك دينه *البطوله للهلال وللنصر والاتحادي



سوار الذهب
اثر بعض الناس مكتوب الخطيه في جبينه * يمكن انه من عرب بين ام رابع وام حادي
(بعد ايش ؟؟؟ ومن الذي بدأ؟؟؟)

لاتقلطنا ليا جينا على غير السمينه *وانت هذا الوقت ماينقصك غير انتل ورادي

(بيت ياتي على وجهين ولو انه اقرب لما سبق من ابيات اما (افتخار بالشاعريه ) او (لغم نهائي ))

التوقيع

عالم تويتر abofayeh@