قصيده لاتحتاج عند قراءتها شرح المعركه

[اهل الفعل]

السلام عليكم ورحمة الله وبركاته


قصيده لااحد شعراء وفرسان قبيلة العوازم آلاد عطا وهو الشاعر سعود الصقلاوي
تشرح ماجرى في ذلك اليوم

هيض القصاد فعل العـوازم يـوم صـار=يـوم واق النايفـة هيضـه مرقابـهـا
يا مخيل هل وبلـه شمـال واستـدار =فيـه ضـون للمناعيـر يـوم لعابـهـا
وبله البارود تمطر به الشـرف القصـار=وأم خمـس موسعـة باللقـا مضرابهـا
صبـح العجمـان نـوه وخلاهـم دمـار=مثل ضون فوقها المـا نثـر واطفابهـا
وانقلب لمطير واردف عليهم من يسـار=لين نارت خيلهـم مـا تعـوج ارقابهـا
ويوم راعي البيرق أردف من البيرق ونار=شايف له عندنـا شيفتـن يدعـى بهـا
لابتي لاجـا الملاقـى يبيعـون العمـار=مثـل جـلاب الجلايـب علـى قصابهـا
هيه يا الطرشان ياللي تـودون الخبـار=فـوق حيـل ضمـرن منتـوي ركابهـا
علموا بفعولنا واهرجـوا هـرج القـرار=يا لفيتـوا ديـرة الغـرب يـا جيابهـا
كم هنوف من بني يـام ملبسهـا حمـار=تلبس الثوب الغبر عقـب زيـن ثيابهـا
يالإمام احلم ترى الليـل يقفـاه النهـار=والسيـوف الناصحـه لاتهـد انصابهـا
محتمين الدار يوم الجنوبـي فيـه بـار=يـوم كـل بـار بالـدار مـا برنابهـا

رحم الله اموات المسلمين