العمدة =
يا سعود تكفيني شهادة رجل مثلك لا شهد=ترى الشهادة من رياجيل المعرفة كافيـه
والا الوسام الله يبارك فيك ماقد زاد احـد=منتج وكالة من وراه نفوس ماهي صافيه
سعود العصيمي=
اشهد شهادة حق وزكيك فيها يارعد=ماقلتها لي مقصد ثاني من العرافيـه.
المقصد التقدير والتحفيز ياوجه السعد=وانا ماقول الا عتيبه كلبوها وافيـه.
العمدة =
اعدها من (جامعه واللي تقولـه يعتمـد)=وعتيبه الهيلا هل الطاله يا مال العافيـه
لكن من بين البيوت اللي لها سقف وعمد=سيلً حدور وعلة تحتاج وصفـة شافيـه
سعود العصيمي=
انته معك منها شهادة والوعد ليل الاحـد=جود حزامك واحفظ البندق على الاهدافيه.
انته ولد واللي يزل الدرب يلقالـه ولـد= ترا الدعاوي هنية مامن خطر واخلافيـه.
العمدة =
ان كان ما زادت عدد ماهي منقصـةً عـدد=الدرب قدم العين والبنـدق علـى الاكتافيـه
صار البلد ضد الفتى وامسى الفتى دون البلد=العام جات مصلعـة واليـوم جتنـي حافيـه
سعود العصيمي=
الله يبارك فالرجال اللي لهم حيـل وجهـد=العزوة اللي فالمواقف تحتمـي الميقافيـه.
وحده بوحده واعتبرها يابيض الشارب سدد=قدام ترجـع حذفـة الحـذاف فالحذافيـه.
العمدة =
آمين لكن مـاش جمعيـة تعيـن المجتهـد=ارحـم معاويـن الليالـي كسـر المجدافيـه
ياسعود في غر المزون السارية برق ورعـد=احسب حساب السارية واحسب حساب اللافيه
سعود العصيمي=
ماكل من دور على حاجة يابن غانم وجد=واللمبه اللي ماتولـع كهربتهـا طافيـه.
حنا وصلنا غاية المقصود والقاعـد قعـد=واللي قعد راع الشداد اللي على الاردافيه.
العمدة =
اللي ترافع في قضية.. زاد ..ما حل العقد=يشيـل لاء الناهيـة ويحـط لاء النافيـه
اكفخ جناحك دون من وصاك يا طير الهدد=عشان تال الليل تسري بالعباة الضافيـه
سعود العصيمي=
بعض العلوم اوهام ماهي صح والصادر ورد=واللي يسوي هكـذا ياصاحبـي ينعافيـه.
مال الحقيقة يارعد في سنة محمـد ضـدد=وانا مع اصحاب الحقيقة والسيوف ارهافيه.
العمدة =
يارب توفيقك لابو متعب وعفوك عن فهد=اللي مراقدهم طوال الوقت ماهـي دافيـه
من لا قرى في ماضي الاحداث والا فالجدد=عوّد يدور ويضرب الاربـاع فالانصافيـه
سعود العصيمي=
اليابغيت اتصد صد ولانعارض من يصد=ياللي فريت الغرب مالك من جهتنا رافيه.
عمرك وصل 50 يالعمدة وعايش في كبد=الله يعوضك فاخر ايامك مـن الاقنافيـه.
العمدة =
ياهرش ياللي كلما ضيق رمح والا هبد=ترى السلامة منك مكسب فالعلن والخافيه
سريتها مسرى الذياب ودم قلبك ما جمـــد=حاضر بحاضر ما شريت وبعت بالاسلافيه
« آخـــر الـــمـــشـــاركــــات »
العرض الشجري