العمــــــدة
العازمي ما ينقصه غير وزنيــــة بليتين=عشان لا منه سرى ما يتفــتـف فالخريمه
والبندق اللي رميها فيه ميل يسار ويمين=ما تطرح الاهداف لو ان راعيها صتيمه
العازمي
دام المكانيكي فتح ورشته ياموتري زين = تغانمه قدّام راعيك يرجع فوق ريمه!!
سرد السوالف مايشوق الفكر ,لاعافت العين = والهامله في خدها ماتنومسنا الوسيمه!!
العمــــــدة
السالفة في قايد المركبة ماهو على الدين=يا كثر ما سافر ولكنّ ما جاب الغنيمه
طعم العنب حامض ويا حالي اللي سمّه البين=هذا جواب الشاوي اللي مضرّى بالحريمه
العازمي
ياصاحبي منته بسيفٍ ليا جرّد قضى دين = ماغار خنجر حضرميٍّ ليا سلّت عقيمه!!
ماعاد يحصى بذل تاجر قطر شيخ الخيارين = كم واحدٍ قدمه توسّل عظامه في بريمه!!
العمــــــدة
حنا نعلم فالاحــــــــد وانت تسبقنا للاثنين=والناس تشفع فيك لو جيت ابا اعطيك القسيمه
مية من البل ما تقارن بخمسمية من الضين=ياللي تجي وتروح منته ولي امر اليتيمه
العازمي
منفوش واللي نافشك يارعد طرد المقفين = واللي حشمك يقول محشوم من حشمة حليمه!!
عن وجه ابن فهره وتجربة الاعمش وام ظرفين = النفس تابا والسبب يارعد قو الشكيمه!!
العمــــــدة
السابقة تطلع بيدها وزيد النار بنزين=وانته مخيّر بين موت البطل والا الهزيمه
الليلة الليلة نحدد حصيلة وارد الفين=العنجهة ما ردت الذيب من دون البهيمه
العازمي
ياروقي ارتح قبل لاسقيك من كاس الامرّين = اللي تلوّى في ذرانا كسب هيبه وقيمه!!
الفين للمطران وانته نبا نسمّيك بعدين = إليا طلع للمرجله في محيا الوجه سيمه!!
العمــــــدة
ماهو مذري بيت رجّال يقعد فالمراحين=يا عنك ماعمره يخلص غريمً من غريمه
عليك من سيماه ياللي تولوك المثارين=ما يحتريك الا عذاب القبر والا نعيمه
العازمي
اهل دبي الله رفعهم على اهل ظفار والعين = خلك على درب النشاما مثل ماطا الهشيمه!!
ياعين هلّي صافي الدمع /والا بين نارين = اكيد عندك حب للسامريّات القديمه!!
العمــــــدة
صحيح يا كبر الرتب والهياكل والنياشين=لكن مافيهم ولا راس ياقف دون شيمه
يا بدو شدادين والا على الديرة مقيمين=قوم الوفا قدام تلفون فالديرة مقيمه
العازمي
اليا متى والروح تقرع على ابواب السلاطين = لاترجي المدّات ياكود من كفٍ كريمه!!
قبل النهاية واصطفاق الرحا ياحب ياطحين = ماترضخ القالات ياكود للروس الحكيمه!!
« آخـــر الـــمـــشـــاركــــات »
18-Jun-2009, 05:57 PM
العرض الشجري