قصيده عفو حمود الشمري من احد شعراء الهيلا

[عتيبي فزاع]

قصيده اعجبتني لشاعر مسبار

بشان قصه عفو / حمود بن نايل الشمري عن من تسببا في قتل اثنين من ابنائه في قضايا متفاوته واصراره علي اطلاق سراح اخصامه ..

يا حمود شاش الراس بالعلم ياحمود=درس" يدرس ما يبي له مشوره
انا اشهد انك بالنواميس محمود=وان سجل التاريخ شرف سطوره
ولد الطنايا ما قف" ماله احدود=يرقي علي العليا ونفسه صبوره
كسابة الطلات حماية الذود=وافعالكم بالطيبات امخبوره
يا اللي مسحت الدمع من خد مولود=يجزاك بالدارين منزل زبوره
الجود في يدين الكريمين عبرود=سنعوس من طيبه يبرك نحوره
يفداه من بطرس لحافظ ولحود=يا الشامخ اللي ما تفاهق نموره
والمدح فاأهل الطيب ماهوب منقود=يبقي علي وجه البسيطه بخوره
مدح" سبقني فيه مخلد من اعدود=يبدع من افجوج القصايد بحوره
قلته وانا من لابة" فعلها زود=ينصاهم المرتاب عند الظروره
من لابة العبود والسيف مجرود=يفرحك لا عاينت هدت صقوره
وما عليكم يا اهل الموجبه زود=كل" مع الميقاف ثبت حضوره

مسباار