حصريّـا/ الجزء الرابع .. (مقلع طميّه )وخرافات العرب حبيب العازمي وزيد العضيله

[محمد العتيبي]

السلام عليكم ورحمة الله وبركاته


أقدم لكم الجزء الرابع (حــصريا ) وقبل الأخير من محاورة التحدي والحماس

من حفلة شعريه ملأها نجمين من نجوم المحاورة وتفردا وأبدعا حتى

أثبتوا للجميع نجاح تلك الحفلة ..

بداية وختاما .. صح لسان الشاعر / حــبــيّـب الـــعـازمي ( أبو فيصل ).

وصح لساان الشاعر / زيــــد العضيلة ..

وأترككم مع الأبداع والتميّز ..

وبدايتا من الشاعر العبقري أبو فيصل حيث يؤكد للشاعر زيد العضيلة بعض الخرافات التي صدقها العرب من أساطير الأولين ..

ونقاشهم كان عن ( مقلع طميّه ) فهل قصتها حقيقيه أم خرافه ؟

حبيّب العازمي :

يا زيد ما نستمع تفصيل الأخبار = على قناة الشباب العولميه .
لولا زنود العرب ما شبّت النار = هذي زنود العرب والنار حيّه .

زيد العضيله :

تسمعوا للسوالف عبر الأقمار = وابليس مكتوم والنيّه مطيّه .
يا حبيّب الجار ماسولا عن الجار = حسنه بحسنه ولا تجزى بسيّه .

حبيّب العازمي :

شدّت طميّه يقولونه هل الدار = لكن كذبان ما شدّت طميّه .
والطيبه مرجله والوقت دوار = واهل الردا ذمتي منهم بريّه .

زيد العضيله :

تبا تكذّب حدث وتقول ما صار = هذي خطيّه على حبيّب خطيّه .
إحسب حساب الدروب يمين ويسار = وإن جات من يمنا اشره عليّه .

حبيّب العازمي :

وانته تصدّق حجار يهاوي حجار = والدين ينفى علوم الجاهليّه .
آهب ياطايره من غير طيّار = ما وقّعت غير في حيد الحويه .

زيد العضيله :

صدقت مثل العرب والدم فوّار = ردوا بها لا تسويها قضيّه .
يا صاحب المشكله شتّت الأفكار = ما بين هذي وهذيه وذيّه .

حبيّب العازمي :

أنا عطيت الحقيقه سر وجهار = وآقول و يطول راسي ما عليّه .
واليا رقد راعي المطران فالغار = عساه يصحي ولا يلقى الرعيّه .

زيد العضيله :

آنا بنيت الجدار وسدّه جدار = وآرد بها قدمكم حاض المنيّه .
الراعي اللي يدوّر بعض الأعذار = يترك صميله ويعط المهمهيه .

حبيّب العازمي :

أحسن لك إنك تحزّم بأم شنكار = السوجل الرش ما هي بندقيه .
لو كان يضح الضحى والطير ما طار = حنا عتيبة وهيبتنا قويّه .

زيد العضيله :

أنا سلاحي يقص العظم بتار = الليل يا جاهلِ بالنافعيه .
أنتم عتيبة لكم مارد ومصدار = وحنا مطير وستر جال الثنيّه .

حبيّب العازمي :

الخوصه اللي مسمرةِ بمسمار = ماتنفعك غير في عيد الضحيّه .
أنتم مطير ولكم حشمة ومقدار = وحنا كذلك وقوة عالمّيه .

زيد العضيله :

الخوصه اللي تنومس كل جزار = ينثر بها الدم ليلي واضحويه .
آنا البس شعار وانته تلبس شعار = ويلك من الموت ياراع الرديه.

حبيّب العازمي :

يا سد مأرب متى يقلب بك الفار = الفار يطلع لكن ألاّ بليّه .
تحمّد العافيه وإصبح على خار = قدام لآخذ على شانك هديه .

زيد العضيله :

الفار يلقى معه مدخل ومظهار = شغله بكفه ولا يبغى عطيّه .

التوقيع

للتواصل عبر twitter تويتر al_bargawy@