الطير سميته على طير حوران

[جهز العطاوي]

هذهِ القصيده للشاعر : نمر بن محمد العطاوي .. وقد تمت مجاراتها من قِبْل الشاعر : خلف بن فالح العطاوي

إليكم القصيده والمجاراه .. يقول الشاعر نمر :

الطير سميته على طير حوران=اللي مكانه فوق راس الطويله
نباه عند الناس حضرً وبدوان=شيال صعبات الحمول الثقيله
من روس حكام الجزيره والاضعان=لا ناش خشم الزند راس الفتيله
سلمان بن عبدالعزيز بن سلمان =حرً كساني بالفعول الجميله
متسلسلً من راس جده غزالان=مروي غضاريف السيوف الصقيله
نجمً سطع يوم أكثر النجم مابان=نوره لسارين الغداري دليله

وهذهِ مجاراة الشاعر خلف العطاوي للقصيده :

سميت طيرك يالعطاوي كحيلان=يانمر ياراع الفعول الجزيله
بأسم الرجال اللي لهم فاللقاء شان=آل السعود أهل النقا والفضيله
لكن أبا أشرح لك عن الوضع برهان=طيري عديم ولاش طيرً مثيله
طيري على إسم ابا العلا ذخر شجعان=ماجد رفيع الشان منجي دخيله
سلايل عتيبه هل الجوخ والزان=مروية حدب السيوف السليله
كم سابقً فجو نحرها على شان=نجد العذيه والديار العليله

هذا ولكم كل الود والاحترام ..

أخووكم : جهز العطاوي ..

التوقيع

سبحان الله وبحمده سبحان الله العظيم ,, أستغفر الله وأتوب إليه