من روائع الشاعر المرحوم (( حمد المغيولي))

[بندر المطيري]

الا وهني اللي من الحب مايهتم *** يطيب الزمان ويختلف شين ماهمه
معافا زمانه لا يهوجس ولا يندم *** يقظي لليالي شباط والقيض عند امه
وانا اللي عيوني تزعج الدمع دمعه دم *** واخفي جروح الروح والروح منسمه
سبب جاهل لاهو يصخف ولا يرحم *** لوني من اقصى الناس ولا ولد عمه
حاربني وانا ماني طاغي ولا مجرم *** وانا بالبخت ياهافي الوسط والذمه
اذا كان دينك جايز ذبحة المسلم *** الى حل ذبحي خل ذبحي على يمه
الا يامربي قذله تقل ذيل ادهم *** من العنبر الغالي على البعد له شمه
ابي شربه تبرد غليلي من المبسم ** اذا كان تسمح لي على مطلبي تمه
صويب الموده لو نجح دور مايسلم *** يصومل على همه وهو ناشف دمه
ليت الثريا ماعترض دونها المرزم *** لما الكبد يطفي حرها بارد الجمه
حرام الهوى غيرك من الناس مايلزم *** اذا صار غيري ماتلد النظر يمه