قصة العريفي مع طيره

[ابو سعد الدلبحي]

[align=center]

هذه قصة بنوع الطيور ومحبة الصقار لطيره وده يضيع له مال كثير ولا يضيع طيره ، هذا محمد العريفي من أهل القويعية كان عنده طيراً غالي
عليه يصيد به وكان له ولد يسمى عضيب إذا رجع أبوه من الصيد يستقبله ويعطيه ما معه من الصيد وفي يوم استقبل والده وهو غضبان من ضياع
طيره وما هرج ولده من الغضب وسأله الولد قال ضاع مني الطير وودي لو راح مالي كله ولا يروح الطير
وانشد هالأبيات :

ياعضيب أنا بالي على الطير محتاس = سوات من تجري عليه الجواري
امسيت كني من ورا باب حباس = و لا عليه من الرفاقه مداري
وطيري اللي لأبرق الريش مدباس = ما يذبح إلا من كبار الحباري
شمروخ فرخ مذلقٍ ماله أجناس = للطيب في وجهه مراح ومواري
الا طلع تظهر عيونه من الراس = مثل العديم اللي بفعله يثاري
يديه من دم أبرق الريش يباس = سوات حنا لابسات الخداري
يا طيري اللى بالظفر مثل عفاس (1) = لا روحت خيلٍ لخيلٍ تباري

ــــــــــــــــــــــــــــــــــــــــــــــــــ ــ

(1) عفاس بن محيا من أشهر فرسان عصره.