انصح شباب اليوم درب الشكاله(الشاعر/حمودبن بندرالعتيبي

[راعي الا صا يل]

نصيحة الى كل شاب لم يحالفه الحض في مواصلة الدراسة ولم تتحقق طموحاته مماجعله يفكر في اشياء تكاد تحطم حياته المستقبليه وهو في غنا عن ذالك
(الشاعر /حمود بن بندر الغبيوي العتيبي)

أنصح شباب تايوم درب الشكاله =مني لكم يأهل الوجيه المسافير
خوفو من المعبود جل جلاله = اللي خلق ويقدر الرزق تقدير
والكل منكم ينتبه في حواله = ويحسب حساب ايام فيها تغابير
ولاكل يوم صافيا لك زلاله = لو هو صفا يوما يجيبه غثابير
وتحتاج نفسك ياولد لامحاله = وأن شدة الايام والرزق تقتير
كلا يبا قوته ومستور حاله = يقدح نهاره في ليال معاسير
وأنتم سباب وزاد فيكم بطاله = والخير واجد مير من يطلب الخير
والمملكه ضاقت بكثر العماله = على شبوك البنك صارو طوابير
من مالنا كلن يغذي عياله = وشبابنا عايش على غير تفكير
والرزق عندالله وسيع مجاله = اللي رزق فالعش فرخ العصافير
وترى الوطن يفخر وفخره عياله = تعادل شهادة كرس فايق بتقدير
والا مزاول للتجارة بماله = والربح مضمون ولافيه تخسير
وفلوسنا دارة بليا عماله = شريان دم بدورته يكثر الخير
شباب لانغدي على الشعب عاله = أعمل تعيش وخل شغلك بتفكير
وترى كثير النوم عيب ونذاله =ياكل ويشرب واعتماد على الغير
يمد كفه كل شخص يساله = والا حرامي سرق فني وشطير
والا مروج في جنوب وشماله = بمخدرات تدمر العقل تدمير
ولا بد ما ياقع بشبك العداله = من دونه القضبان والحكم تعزير
ودة يعيش موظفا في خياله = ويفخر بهندامه وكثر التزارير
أوهام في عقله وفكرة وباله = مشغول عقله بالمنى والتفاكير
ودايم حديثه فالغني والزماله = يبي مجار أهل الغناء والدنانير
وعن المراجل قاصرات حباله = وليا حصل عشرين فالجيب توفير
ماعاد يعرف ميلته من عداله = ويحمل شهادة كل شابوها دواوير
فنان في التفحيط في غير ماله = عند السماكر كل يوم بتقرير
صادم ومصدوم يعيش بجهاله = وعذب وليه دايما بالمخاسير
وترى الشباب الجد تكرم سباله = منهم قياديين واخر طيايير
فيهم رجال العلم دين ورجالة = ومدرسين أجيال شبان وصغير
واللي نخافه من شباب حثاله = لادين لادنيا كما نافخ الكير
وصلاة ربي عد ممطر خياله = على محمد عد ما طار من طير