كبتن عتيبه
مرحبا باللي نهار العيـد سوَّالـه قصيـده =مير مدري عقَّبت له فائده ولاّ خسـاره؟!!
أنت ياقادح شرار أسمك طلع (جمله مفيده) = والفعل قبل الأسم والنار تالع من شـراه!!
قادح شرار
البقا يا شاعر ٍ تمشي على نهج العقيـده = ليتهم حطوك من بعد الزلامي ..فالأمـاره
العجوز اللي معي يوم إنها سوّت عصيده = العرب ذمو تعبها .. وأهرجوا في كل حاره
كبتن عتيبه
كل واحد له شداد ..ويفعـل الله مايريـده = والبشوت بلاش..حظ اللي يحبّون الكباره!!
كان خاويت العجوز أكيد تطرحك بمكيـده = ويمكن اتطّلعك فالصندوق..وهيه فالغماره!!
قادح شرار
كل واحد له شداد... ونظرتي دايم بعيـده = والموذن ما يأذن غير من فوق المنـاره
كبتن عتيبه مربّط .. يا جعل ينفـك قيـده = مير خايف بعدها يلذع .. وما يعرف دياره
كبتن عتيبه
لونزيد النار فوق النـار ذوَّبنـا الحديـده =وانت تعرف كبتن العتبان يوم يشب ناره!!
أنتبه ياسايـق الموتـر كلامـك لا تزيـده = وانته لاذالحين ماحطيت رخصه وأستماره!!
قادح شرار
مالك ومال الهدف ..لن كان ما تقدر تصيـده = ما تصيده من يمينه ... ولا تصيده من يساره
روح يالكبتن وخلك ... بين قحطان وعبيـده = ديرتي ما أنته بمالك وسطها ... حتى عماره
كبتن عتيبه
البلا فالصـوره اللـي طلّعوهـا فالجريـده = صورة اجحا يوم ضيّع فأخر السكه حماره!!
احسبن الدرب يمشي ياطويل العمر سيـده = واثر ابه تحويله وكبري ولفّه وأستـداره!!
قادح شرار :
والبلا في واحد ٍ جات الرصاصة في وريـده = صابته من واحد ٍ يا رجل ... ما يخطي عياره
ما أنت جايب يا طويل العمر حاجات ٍ جديـده = لو تسوق شعيل لين إنّه ..يبرّك فـوق زاره
« آخـــر الـــمـــشـــاركــــات »
27-Oct-2008, 11:20 PM
العرض الشجري