سعود العصيمي
مرحبا من شاعريحمى مواقيف القبيله = تحتزم به ربعه الهيلا بعيدين الهقاوي
بركوا معجب لحمله ياعسى معجب يشيله= عاقل المره علامه قام يتبع كل غاوي
معجب العتيبي
البقا بسعود دامنه تهيأ للثقيله=بس مدري يستمر بفزعته والا يراوي
صاحبك ياصاحبي ذيبان كسّاب الجميله=ماعلاه من الفقير ولا علاه من الغناوي
سعود العصيمي
كل مالاح الك برقٍ قمت يامعجب تخيله = لو خياله عنك مقفي قلت هذا الخير ضاوي
من يلد العين في جنبه ضعيف وعزتيله = علته ماتنتداوي لو نجيب الها المداوي
معجب العتيبي
اشهد انك يالعصيمي ماتجيب الا الجزيله=مير نيتك اختلف مضمونها ويش انت ناوي
اختلف طبع الزمان وصارت البلوا مهيله=واصبح الصاحب عدو الله يكافينا البلاوي
سعود العصيمي
والله إنك صاحب غالي ولا ارضالك بميله = مار تال الوقت غشك راعي القلب الفراوي
مايقول العلم هذا واحدٍ فكره دليله = الزمن لو يختلف ماريّح القلب الشقاوي
معجب العتيبي
كل رجال يتأثر يالعصيمي في زميله=بس راع الفكر ماغير عن الفكر السناوي
راجع الكلمه ودورلك هنا كلمه بديله=ماتوقعت اخر ايامك تقلد للجلاوي
سعود العصيمي
وينهو عنك التأثر يوم شبيت الفتيله = والعرب ماهيب يمك افت ياشيخ الفتاوي
لاتزيد الطين بله واتعرض عابر سبيله = اعدل الوزنه على الميزان ويصير امتساوي
معجب العتيبي
والله اني داريٍ عن صاحبي وشهو حصيله=لو يروح ولو يجي لو حط لو شال القناوي
بالمثل يشرح قوي المعرفه لأفراد جيله=كلمةٍ ميزانها ميزان يالحر النداوي
سعود العصيمي
بارك الله في العميل اللي يوفي مع عميله = صاحبي معجب كما جعجع مع إلياس الهراوي
عن كثير الهرج يكفي صاحب الطاله قليله = انس علمٍ فات واذكر ماذكرنا يالعطاوي
معجب العتيبي
بارك الله في هل التوجيه واصحاب الفضيله=والسياسه مالنا فيها ولو فيها مناوي
واحليل سعود وصاني وينصح واحليله=مادرا اني للجروح اصبحت دكتورٍ مداوي
« آخـــر الـــمـــشـــاركــــات »
29-Aug-2008, 12:49 AM
العرض الشجري