سعود العصيمي
نادوا لسطان سلطان الجذع يحضر وياقف هنا = ابا انشده عن علومٍ مالها حد وانتم تسمعون
اثر المعنى معنى طوله عمره ووقته في عنا = لو يخدمونه عياله مارضى عن عمل مايعملون
سلطان الجـذع
ياسعود ياسعود جيتك فالوعد سرها وانته وانا = علومك زايده يااصحابنا بس مدري وش تبون
ان كان خدمة عياله ما أرضته يالعله للفنا = منك الخبر واستلم رد الخبر ماتهون ولانهون
سعود العصيمي
العمله ام الغشش دور لها عندكم ناس ازبنا = ماني براعي الها ياللي لها تشترون وتجلبون
الظاهر انك مغلق رابعٍ للثلاثه في منى = ماباقي الا ارجمك مثل الثلاثه مثل ما يرجمون
سلطان الجـذع
ذهب مصفى وحنا مصدره ياصلك من يمنا = وأليا رفضته ترى ماانتب صري للذهب ماانت بزبون
ان عدت غلطتك هذي ياسعود ردها حد القنا = بالهون سيّر قدم رجلك معي لاتغيرك الظنون
سعود العصيمي
بيت الفقر مابه الا فقر ماينزله راعي غنا = يالله لعل الفقراء يالجذع في زمنهم يغتنون.
حنا نعمر البناء فوق البناء وانته اتهدم البناء = واللي يعمرون ماهم يالعتيبي كما اللي يهدمون
سلطان الجـذع
المدة الوافيه لاهل الوفاء صادرة من عندنا = عن اعترافك يااخو مره غني لو تغني باللحون
لاوالله الا هدام في هدام والجذع عكسك بنا = لكن عد الحقيقه عدها قدام نغضي بالعيون
« آخـــر الـــمـــشـــاركــــات »
18-Aug-2008, 06:54 PM
العرض الشجري