يابنت ما كل الخلايق تشـابه = كلٍ عطــاه الله منهـج وقانـون
ناس(ن) لهم قدرٍ كبيرومهـابه = وناس(ن)لا والله تتبع الهون بالهون
كم واحدٍ رزقه يجـي حد بابه = واللي يبيه يجيه بالحفظ والصـون
وكم واحدٍ يسعى بجو(ن) سرابه = يتعب به الطرقي ولو كان دنـدون
تدرين ليش يصـير هم وكـآبه = لان البشر يخطون لوكـان يدرون
والا ترى ربي وسيـعٍ جـنابه = والرزق عنده دائم الدوم مضـمون
يابنت احب وكل درب(ن)مأهابه = إلا الحرام ادخل على خالق الكون
احب حتى انتي وحبي شرابه = صافي على وضح النقاء ساطع اللون
الحر لـو انه سكن في خرابه = مرافقه يسوى ثمــانين ملـيون
واللاش نترك رفقته وش نبابه = لو كان ماله زاد عن مال قـارون
من لايحوش المرجله في شبـابه = ما حاشها بعد اعتماده على الشون