مقعد الدغيلبي
بين علم(ن) جديد وبين علم(ن) قديم=ودي اكشف علوم القوم واحوالها
ياسعود العصيمي وانت شاعر عصيم=وش حصل في جنوب الدار وشمالها
سعود العصيمي
فيه علم سليم وعلم ماهو سليم = كل ناسٍ نعاملها بموالها
خص واعلمك وانته رفيقٍ فهيم = فيه ناسٍ على ماقيل يبغالها
مقعد الدغيلبي
كيف رحال شدد في زمانه مقيم=مشكله يالعصيمي وين حلالها
كلمتك مالها ياكود صدرٍ حليم=ماوردنا العدود بقاصر احبالها
سعود العصيمي
ينحرق قلبي اليا شفت دمعة يتيم = مار ربك يجازي الناس بعمالها
لاتظلي تشيل اعظامها فالبريم = خلها فالجبال السود وارقالها
مقعد الدغيلبي
العقيمه عقيمه خلقت الله عقيم = علم اللي يدور نفعة عيالها
ماختفى عن وجيه القوم غير الحريم = يوم لاحقت بروق الموت بخيالها
سعود العصيمي
الاوادم ماتخلق فالليالي عديم = والعقيمه خبرها عند رجالها
لاتقرب يدينك عند جمر الجحيم = حملتك ياشعيل اليوم واشتالها
مقعد الدغيلبي
من جهل بير زمزم جاهل(ن) فالحطيم= وانت جاهل بيوت(ن) ظلك اضلالها
فرق واضح لو إنك قلتلي سيم سيم=ماتساوى قصار الناس واطوالها
سعود العصيمي
لاتظلي كذا في كل وادي تهيم = دلة اخصامنا مشروب فنجالها
عندنا فالجماعه ماش خشم وخشيم = وانت كلمتك هذه راحت الحالها
مقعد الدغيلبي
نظرتي للحسا واحب تمر القصيم=والعرب ودها لوا تخسر اموالها
وقعت يالعصيمي وقعت فالصميم=جر موالها ثم شيل موالها
« آخـــر الـــمـــشـــاركــــات »
05-Jun-2008, 01:32 AM
العرض الشجري