سعود العصيمي
يامرحبا ترحيبة تبقى ليا يوم النشور = فالحله اللي ماتحط المتهم مثل البري
فالسوق كم من سلعةٍ تشرى وكم سلعة تبور=مار الذهب لوهو مغير جرام واحد ينشري
معجب العتيبي
دام البقا ياللي ترحب والأمانه فالصدور=عجل وجب مضمونها ياصاحبي وش تحتري..؟
اللي معه دينار في سوق الذهب سجّل حظور=واللي رصيده صفر..قله لايسوي عبقري
سعود العصيمي
يبا يجيك العلم لكن لاتعجّل فالامور=السر في كلمة حلا ماهوب في كلمة شري
انا ماعمري شلت فالمحزم رصاصٍ مايثور=والفرق بيّن للعرب بين الفقير من الثري
معجب العتيبي
الكلمه اللي ماتجيب الك السعاده والسرور=لاتبتديها لو تكون الفارس..الفذ..الجري
ياسعود مانلحقك شك ولاملام ولاقصور=والناس مانحكم عليها من جمال المظهري
سعود العصيمي
اقول كلمة حق ماهي زور والحق مخبور = يقضي على ضده ويعطى اهله وكلٍ خابري
الفارس المحسوب ليش ايغط اله بالزور نور = عليه شره ساريٍ اله ليلةٍ ماتنسري
معجب العتيبي
بالصدق نمشي ماظلمنا في بطاقات العبور=واللي ظلمنا مانقول الا عسى الله يغفري
لو البليد اللي تعذر قالوا الناس معذور=ماقلتله ياصاحبي معذور لا مايعذري
سعود العصيمي
الكبت فجّر شهوة اشرعة السفن وسط البحور= لكن يامعجب ورا ماقلت للي مادري
العاقبة للمتقي ماهيب لاصحاب الفجور= الله يكفينا ويكفيكم بلاوي الفاجري
معجب العتيبي
اللي يصيح بلا سبب محدٍ يسميه الصبور=وفي هالزمن ماصاح غير اللي ظلم والمفتري
العاقبه للي صبر عمرٍ طويل من الشهور=واللي سعى ياصاحبي لابد يوم ويضفري
« آخـــر الـــمـــشـــاركــــات »
04-Jun-2008, 11:23 PM
العرض الشجري