اهديكم اول مشاركة لاخوكم وهي مشاركة بقصيده نصيحه لي ولغير وشكراً اعضاء منتداي الغالي

[سعد عشق]

التوبه
ياصاحب العقل بادر والحق التوبه
بادر لربن كريم وفاتحٍ بابه
يفرح بتوبتك وانت اتصير محبوبه
وتصير جار النبي وتجاور اصحابه
واحذر يغرك كلام ابليس واسلوبه
لاقال بعدين لين العمر يسرابه
العمر محدود والايام محسوبه
ولا تنتبه لين تلقى الرب واحسابه
في ساعةٍ والخلايق منه مرعوبه
في ساعةٍ قالها المعبود في اكتابه
فيها هل الشر للنيران مسحوبه
والخل يلعن خليله ويش سوابه
والظالم يصيح واليدين مقضوبه
ومن الندم فاليدين ايسقط انيابه
الاكل زقوم والغسلين مشروبه
والنار توقد علاه ودوم شبابه
ماينفع الرجل سل السيف واضروبه
ولاينفعه طيب ابوه وضرب مشعابه
ولاينفعه رزة المشلح ولا ثوبه
ولا ينفعه كثرة افلوسه ولا انسابه
ماينفعه غير فعل الخير وادروبه
ولاينفعه غير تبع الحق واسبابه
يقوم ليله صلاه وعز مطلوبه
ذكرٍ وتسبيح والقوران يقرابه
ومجالس الذكر عنده دوم مرغوبه
زادٍ لمنهم لــــ علييّن طلابه
اللي اليا ذكروا بالخير فرحوبه
اللي تركوا صاحب الدنيا وما جابه
اللي اليا جاهم الناصح تحفووبه
ومن حبهم للنبي دومٍ تقدابه
والخاتمة فوق منهو دك عرقوبه
في يوم الاحزاب ضد ابليس واحزابه
اعداد همال مزنٍ بانت اسحوبه
واعداد من شاهد المشعر ولبابه
صلاة ربي على خله ومحبوبه
صلاة ربي علاه وصفوة اصحابه