عبدالله السميري في جنيف

[الـذيب]

العام قررت اسافر عطلت الصيف
اصعب قرار اتخذته في حياتي
ماشلت هم الاقامه والمصاريف
اشيل هم اليال المقبلاتي
فوجيت باهل الخليج هناك بجنيف
غير الكويتي سعودي واماراتي
غير العذارا حسينات التواصيف
ست ويشن فري العيال مع البناتي
وعلى بحيرة جنيف وشاطي السيف
تجمع الناس من كل الجهاتي
هبي فلانتايم وعيد المواليف
كلن يرجع شريط الذكرياتي
جوا رومنسي لاحر ولاعواصيف
متوفره فيه كل المغرياتي
اخوان بدوا رعاة الشاة في الريف
اهناك باشات حتى في الغاتي
كم واحدن صاير معزب وهو ظيف
يدفع حساب العشا والطاولاتي
وكم واحدن بالمهايط والسواليف
مدمن حكي نسال الله الثباتي
وكم واحدن قال انا بالرمح والسيف
ماحسب لاعنتر ولاحسب لازناتي
واحد له اسمين مستر جوي ومنيف
ضايع وله معجبين ومعجباتي
اليوم يقظيه مع مومو ومع طيف
واليل يسريه كله مايباتي
قلت اتلقف واصير من الملاقيف
واقول ياسيداتي يانساتي
اين النقاب الخليجي والنفانيف
واين العبايات واحجاب الصلاتي
ظعتن ورا القبعه والجنز والميف
واحلا العطورات واغلا الماركاتي
قالن كلام العرب كذب وتخاريف
اهل الجهل والتخلف والشماتي
الغرب بالعلم في روس المشاريف
وعريبيا في مكانك سير وتحاتي
قلت الخلاصه لابوكم لابو جنيف
قد باي معكم حرام اضيع اوقاتي